صدر پنجاب ڈوج بال ایسوسی ایشن میاں رضوان علی کی پریس کانفرنس۔۔۔۔
لاہور (سپورٹس رپورٹر )پنجاب انٹر ڈویژن ڈوج بال چیمپئن شپ 20 ستمبر سے لاہور میں شروع ہوگی جس میں آٹھ ڈویژنز کی ٹیمیں ان ایکشن ہونگی۔ماڈل ٹائون فٹبال گراِئونڈ میں پریس کانفرنس کے دوران صدر پنجاب ڈوج بال ایسوسی ایشن میاں رضوان علی نے بتایا کہ چیمپئین شپ کے انعقاد کا مقصد نئی گیم ڈوج بال کا فروغ ہے۔اس موقع پر چودھری فقیر حسین،رانا آذر اور محمد عامر بھٹی میں ہمراہ تھے۔میاں رضوان علی کا کہنا تھا کہ دو روزہ ایونٹ بیس اور اکیس ستمبر کو نشتر پارپ جمنیزیم ہال میں کھیلا جائیگا جبکہ تمام ٹیمیں 19ستمبر کی شام لاہور پہنچ جائیں گی۔ایونٹ کو انعقاد کروانے میں سپورٹس بورڈ پنجاب کے مشکور ہیں۔ میاں رضوان کا کہنا تھا کہ ڈوج بال کو سکولز، کالجز اور یونیورسٹیز میں فروغ دینے کے پلان پر جلد عملدرآمد کیا جائے گا جبکہ لڑکیوں کے ڈوج بال ٹورنامنٹس بھی جلد کروائے جائیں گے۔ڈوج بال کا کھیل دنیا میں زیادہ ویمنز میں ہر دلعزیز ہے۔آخر میں چیمپئن شپ کی ٹرافی کی رونمائی کی گئی۔