دبئی: پاکستان سپر لیگ تھری میں مسلسل 6 میچوں میں شکست کے بعد لاہور قلندرز شاہین آفریدی کی تباہ کن بولنگ کی بدولت ملتان سلطانز کو 6 وکٹوں سے شکست دینے میں کامیاب رہی۔

دبئی انٹرنیشنل کرکٹ اسٹیڈیم میں کھیلے گئے میچ میں نوجوان شاہین آفریدی نے اپنے چار اوورز میں محض چار رنز دے کر ملتان کے پانچ کھلاڑیوں کو آؤٹ کردیاملتان سلطانز کے 115 رنز ہدف کے تعاقب میں لاہور قلندرز کو اوپنرز نے جارحانہ آغاز فراہم کیا۔ اینٹن ڈیوچچ شعیب ملک کی گیند پر 22 رنز بناکر آؤٹ ہوئے۔

ڈیوچچ کے آؤٹ ہونے کے بعد فخر زمان عمران طاہر جبکہ آغا سلمان محمد عرفان کی گیند کا نشانہ بنے۔چوتھے آؤٹ ہونے والے بلے باز گلریز صدف تھے جو 40 گیندوں پر 27 رنز بنانے کے بعد سیف بدر کی گیند پر احمد شہزاد کے ہاتھوں کیچ آؤٹ ہوگئے۔

سیف بدر نے میکلم کے دو مرتبہ کیچ چھوڑے جس کی وجہ سے ملتان میچ میں واپسی کرسکتی تھی تاہم ایسا نہ ہوسکا اور میکلم اننگز کے اختتام تک کریز پر موجود رہے اور اپنی ٹیم کو 6 وکٹوں سے فتح سے ہمکنار کروایا۔

لاہور قلندر کا سکور کارڈ

اس سے پہلے میچ میں لاہور قلندرز نے ملتان سلطانز کو 114 رنز پر ڈھیر کر دیا۔ لاہور کی ٹیم کو جیتنے کیلئے 115 رنز کا ہدف مل گیا۔
دبئی انٹرنیشنل کرکٹ سٹیڈیم میں کھیلے جار ہے میچ میں شعیب ملک الیون شاندار آغاز کے باوجود بڑا ہدف نہ دے سکی۔ ملتان سلطانز کی جانب سے اننگز کا آغاز کمارا سنگا کارا اور احمد شہزاد نے کیا اور دونوں نے اپنی ٹیم کو 61 رنز کا اچھا آغاز فراہم کیا۔سلطانز کو پہلا نقصان نویں اوور میں ہوا جب کمارا سنگا کارا ایک اور اچھی اننگز کھیل کر سنیل نارائن کی گیند پر ڈیو چچ کے ہاتھوں کیچ آوٹ ہو گئے، انہوں نے 45 رنز کی اننگ کھیلی۔احمد شہزاد بھی 92 کے مجموعی اسکور پر 32 رنز بنا کر میکلنگھن کا شکار ہو گئے۔

احمد شہزاد کے آوٹ ہونے کے بعد صہیب مقصود بھی 17 رنز بنا کر پویلین لوٹ گئے، صہیب مقصود کو سنیل نارائن نے بولڈ کیا۔صہیب کے آوٹ ہونے کے بعد شاہین آفریدی ملتان سلطانز کے لیے ڈراونہ خواب بن گئے اور ایک ہی اوور میں تین کھلاڑیوں کو آوٹ کر کے مخالف ٹیم کے لیے مشکلات کھڑی کر دیں۔
شاہین آفریدی نے اپنے دوسرے اوور میں شعیب ملک، وائٹلے اور سیف بدر کو آوٹ کیا تاہم وہ اپنی ہیٹ ٹرک مکمل نہ کر سکے۔گزشتہ میچ میں تیسرے نمبر پر بیٹنگ کرنے والے سہیل تنویر 2 رنز بنا کر رن آوٹ ہوئے جبکہ کیرون پولارڈ سہیل خان کی سلو بال کو سمجھ نہ سکے اور کلین بولڈ ہو گئے۔
قبل ازیں ملتان کے کپتان شعیب ملک نے ٹاس جیت کر پہلے خود بیٹنگ کا فیصلہ کیا۔لاہور قلندرز نے آج کے میچ کے لیے ٹیم میں تین تبدیلیاں کی ہیں۔ عامر یامین، دنیش رامدین اور عمران جونیئر کی جگہ سہیل اختر، صدف گلریز اور میکلنگھن کو موقع فراہم کیا گیا ہے۔