کراچی(نمائندہ تابی لیکس) پاک نیوزی لینڈ ٹیسٹ سیریزکے پہلے ٹیسٹ میچ میں نیوزی لینڈ نے پاکستان کے خلاف سیریز کے پہلے ٹیسٹ کی پہلی اننگز 9 وکٹوں کے نقصان پر 612 رنز بناکر ڈکلئیر کردی، کیویز کو پاکستان پر 174 رنز کی سبقت حاصل ہے۔
نیشنل اسٹیڈیم کراچی میں سیریز کے پہلے ٹیسٹ میچ کے چوتھے روز اننگز کا آغاز 440 رنز 6 وکٹ نقصان پر کیا، کین ولیمسن اور اش سودھی نے 159 رنز کی پارٹنرشپ قائم کی اور پاکستان پر 174 رنز کی سبقت حاصل کرلی۔ کین ولیمسن نے ناقابل شکست 200 رنز بنائے جبکہ اش سودھی 65 رنز بناکر وکٹ گنوا بیٹھے۔ دیگر کھلاڑیوں میں ٹم ساؤتھی اور نَل ویگنر صفر رنز پر پاکستانی بالرز کا شکار بنے۔
پاکستان کی جانب سے ابرار احمد نے 5، نعمان علی نے 3 جبکہ محمد وسیم جونیئر نے ایک کھلاڑی کو آؤٹ کیا۔