لاہور: پاکستان کرکٹ بورڈ کی ایوارڈز تقریب میں نوجوان کرکٹرز نے سینیرز کو پیچھے چھوڑتے ہوئے اہم ایوارڈز اپنے نام کر لیے ۔کپتان سرفراز احمد بھی کسی سے پیچھے رہے اور اہم ایوارڈ اپنے نام کر لیا ۔

تفصیلات کے مطابق پاکستان کرکٹ بورڈ کی جانب سے منعقد کی گئی ایوارڈ تقریب میں بیسٹ پلیئرآف دی ٹی ٹوئنٹی بابر اعظم قرار پائے، انہوں نے یہ اعزاز شاہد آفریدی سے وصول کیا، بیسٹ ون ڈے کرکٹر آف دی ایئر کا ایوارڈ حسن علی لے اڑے جب کہ بیسٹ ٹی ٹوئنٹی ویمن پلیئرجویریہ خان اور بیسٹ ون ڈے ویمن کرکٹر کا ایوارڈ ثنا میرکے نام رہا۔

Hasan Ali receiving his award for the best ODI player of the year (men) in best ODI players category. #PCBAwards #TitansGala pic.twitter.com/wcLKZywG8s

— PCB Official (@TheRealPCB) August 8, 2018

سرفراز احمد نے اسپیشل آﺅٹ اسٹینڈنگ پرفارمنس کا ایوارڈ بورڈ چیئرمین نجم سیٹھی سے وصول کیا۔ شان مسعود نے بیسٹ بیٹسمین آف دی ایوارڈ جیتا، بیسٹ بولر ڈومیسٹک کرکٹ اعزاز چیمہ قرار پائے جب کہ بیسٹ ڈومیسٹک وکٹ کیپر کا ایوارڈ کامران اکمل کے حصے میں آیا۔

Proudly presenting our fantastic four from the Pakistan Women’s Cricket team at PCB Awards & TITANS Charity Gala ‘18 #PCBAwards pic.twitter.com/N8uQSQBy9Y

— PCB Official (@TheRealPCB) August 8, 2018

بہترین بیسٹ ویمن بسمہ معروف، بہترین بولر ڈیانا بیگ، وکٹ کیپر سدرہ نواز جبکہ بلائنڈ کرکٹر آف دی ایئر عامر اشفاق اور ڈس ایبلڈ کرکٹر آف دی ایئر نہار عالم رہے۔

بیسٹ ایمرجنگ کرکٹر آف دی ایئر رانا فہیم اشرف جب کہ سال کی بہترین ابھرتی ہوئی خاتون کرکٹرز کا اعزاز ڈیانا بیگ کے حصے میں آیا جب کہ مقامی ہوٹل میں سجائی گئی تقریب میں کھیلوں سے وابستہ معروف شخصیات نے شرکت کی۔

Diana Baig receiving her award for the Best Bowler (women) in domestic category. #PCBAwards #TitansGala pic.twitter.com/vYptyOt4Kl

— PCB Official (@TheRealPCB) August 8, 2018