چھے میچ ہارنے کے بعد ایک کامیابی پر اگر کوی خوشی مناتے تو عجیب سا لگتا ہے مگر یقین جانیے اس جیت نے سرفراز کو ایک اور زندگی نصیب کر دی ہے سب کچھ ٹھیک رہا. اگر مقصد آپ کے سامنے یہ ہو کہ نمبر ون ٹیم سے نمبر ون پوزیشن چھینی ہے تو اس سے بہتر کارکردگی نہیں دکھای جا سکتی. احمد شہزاد نے اچھی اننگز کھیل کر مومینٹم بنایا. فخر نے جب سینٹر کو 22 رنز کا اوور لگایا تو نیوزی لینڈ کے سپنر کا جادو سر سے اتر گیا. پھر سرفراز نے اپنی درست پوزیشن پر بیٹنگ کی اور کامیاب رہا. اور جب آپ خود پرفارم کر لیتے ہیں تو پھر آپ کی کپتانی بالکل مختلف نظر آتی ہے جو آج ثابت بھی ہوا. بابر اعظم نے مسلسل دوسرے میچ میں اچھی بیٹنگ سے اپنی کلاس میں واپسی کی ہے. سکور بہت اچھا تھا مگر میچ جیتنے کے لیے گپٹل اور منرو کی آخری دیوار گرانا باقی تھا. عامر نے ایک طرف منرو کی وکٹ لے کر اور پھر گپٹل کو مسلسل پانچ ڈاٹ کھلا کر بلیک کیپس کی بیٹنگ ناکامی کی بنیاد رکھ دی. بڑا باولر اہم موقع پر سامنے آ کر پرفارم کرتا ہے اور یہی عامر نے کیا. فہیم کی بالنگ بھی کافی بہتر ہو رہی ہے مگر بیٹنگ میں پرفارم کرنا ابھی اس پر قرض ہے. جیسا مومنٹم آج بنا ہے ایسا لگتا ہے پاکستان اگلا میچ بھی جیت کر نمبر ون پوزیشن واپس چھین لے گا