لاہور(سپورٹس ڈیسک)پاکستان کرکٹ بورڈ کے شعبہ پلیئرز ڈویلپمنٹ کے سربراہ ثقلین مشتاق نے کہا ہےکہ قومی ٹیم اور نیشنل ہائی پرفارمنس سینٹر کے کوچز ایک پیج پر ہیں۔

تابی لیکس کے مطابق ثقلین مشتاق کا کہنا تھا کہ تربیتی کیمپ میں نوجوان کرکٹر، ڈومیسٹک پرفارمرز اور سینئر کرکٹرز کو اپنی تکنیکی اور جسمانی استعداد بہتر بنانے کا موقع ملا، وائٹ اور ریڈ بال کے کرکٹرز کو الگ الگ ٹریننگ دیتے ہوئے مستقبل کے تقاضوں کے لیے تیار کیا گیا،ان کے ساتھ کام کرنے والے قومی ٹیم اور ہائی پرفارمنس سینٹر کے کوئی چیز بھی لطف اندوز ہوئے ہیں، پاکستان کرکٹ کی بہتری کیلئے اسی طرح مل جل کر کام کرنے کا سلسلہ جاری رکھیں گے۔

ثقلین مشتاق کا کہنا ہے کہ ہمارے درمیان کوئی اختلاف نہیں ،قومی ٹیم اور نیشنل ہائی پرفارمنس سینٹر کے کوچز ایک صفحے پر ہیں، سب نے مل جل کر کام کرنے کا عزم کر رکھا ہے، سب کا مقصد پاکستان کے لیے ورلڈ کلاس کرکٹر تیار کرنا ہے۔

یاد رہے کہ سابق بیٹنگ کوچ یونس خان کے استعفے کی ایک وجہ یہ بھی تھی کہ وہ ہائی پرفارمنس سینٹر کے کوچز کے قومی ٹیم کے لیے کام کرنے کو مداخلت سمجھتے تھے۔