قومی پہلوان ذیشان بٹ دل کا دورہ پڑنے سے انتقال کر گئے۔ فیصل آباد سے تعلق رکھنے والے ذیشان بٹ ان دنوں ملتان میں پاکستان آرمی کی نوکری کر رہے تھے۔ دوران ٹریننگ ذیشان بٹ کو دل کا دورہ پڑا جو جان لیوا ثابت ہوا۔ ذیشان بٹ نے پاکستان کی نیشنل چیمپیئن شپ میں سلور میڈل ہونے کا بھی اعزاز حاصل کر رکھا تھا۔ پاکستان ریسلنگ فیڈریشن کے سیکرٹری ارشد ستار نے ذیشان بٹ کے انتقال پر گہرے دکھ و افسوس کا اظہار کرتے ہوئے اﷲ تعالی سے مرحوم کے بلند درجات اور لواحقین کو اتنا بڑا صدمہ برداشت کرنے کی توفیق عطا کرئے کی دعا کی۔ ارشد ستار کا کہنا تھا کہ ذیشان بٹ پاکستان آرمی کا پہلوان تھا اور گذشتہ کچھ عرصہ سے پہلوانی کو خیرباد کہہ گیا تھا اور اب صرف آرمی میں ڈیوٹی انجام دے رہا تھا۔ ذیشان بٹ کے انتقال پر تمام ریسلنگ فیملی کو دکھ ہوا ہے۔