لاہور(نمائندہ تابی لیکس)دورہ آسٹریلیا اور آئی سی سی ویمنز ٹی ٹونٹی ورلڈ کپ کے لیے پاکستان کی15رکنی ویمن ٹیم کا اعلان کردیا گیا، پاکستان ویمن ٹیم جنوری میں آسٹریلیا میں ون ڈے سیریز کھیلے گی جبکہ آئی سی سی ویمن ٹی ٹونٹی ورلڈ کپ 10 سے 26 فروری تک ساؤتھ افریقہ میں ہو گا۔
پاکستان وومن کرکٹ ٹیم کے دورہ آسٹریلیا میں ون ڈے سیریز کیلئے بسمہ معروف کپتان جبکہ عالیہ ریاض،عائشہ نسیم اور ڈیانا بیگ، فاطمہ ثنا،غلام فاطمہ،کائنات امتیاز،منیبہ علی،نشرہ سندھو اور ندا ڈار،عمیمہ سہیل،صدف شمس،سعدیہ اقبال،سدرا امین اورسدرا نواز، ٹریولنگ ریزروز میں ایمن انور، جویریہ خان اور طوبی حسن کو ٹیم میں شامل کیا گیا ہے۔
آئی سی سی ٹی ٹونٹی ورلڈ کپ اور آسٹریلیا کے خلاف ٹی20سیریز کیلئے بسمہ معروف کپتان،ایمن انور، عالیہ ریاض،عائشہ نسیم،ڈیانا بیگ،فاطمہ ثنا اور جویریہ خان،منیبہ علی،ندا ڈار،عمیمہ سہیل،نشرہ سندھو،سعدیہ اقبال،سدرا آمین، سدرا نواز اور طوبی حسن، ریزروز میں غلام فاطمہ،کائنات امتیاز اور صدف شمس شامل کیا گیاہے۔
دورہ آسٹریلیا میں ون ڈے میچز 16، 18 اور 21جنوری کو کھیلے جائیں گے جبکہ ٹی ٹونٹی میچز 24،26 اور 29 جنوری کو ہوں گے۔
آئی سی سی ٹی ٹونٹی ورلڈ کپ میں پاکستان ٹیم 12 فروری کو انڈیا کے خلاف میچ کھیلے گی،15 فروری کو آئر لینڈ،19 فروری کو ویسٹ انڈیز اور 21فروری کو انگلینڈ سے میچ شیڈول ہے۔