پی سی بی کی جانب سے باسط علی کو سبکدوش کیے جانے کے بعد ویمن ٹیم کراچی میں ہیڈکوچ کے بنا تیاریوں کا سلسلہ جاری رکھی ہوئی ہے، ہیڈکوچ کا اعلان آئندہ چند روز میں متوقع ہے،

ذرائع بتاتے ہیں کہ ہیڈکوچ راولپنڈی ریجن صبیح اظہر اور سابق ہیڈکوچ ویمن ٹیم محتشم رشید اس ریس میں سب سے آگے ہیں، ویمن ٹیم کی انتظامیہ اور کھلاڑی محتشم رشید کو ہیڈکوچ دیکھنے کی خواہاں ہے جبکہ صبیح اظہر کا شمار بھی پاکستان کے کہنہ مشق کوچز میں ہوتا ہے اور وہ پی سی بی سے جڑی کئی ٹیموں کی کوچنگ کے فرائض احسن طریقے سے نبھا چکے ہیں،

خواتین کھلاڑیوں کی کوچنگ کانٹوں بھری سیج ہی ثابت ہوتی ہے، کیونکہ ماضی میں ایسا دیکھا گیا ہے کہ بڑے سے بڑا کوچ بھی ویمن ٹیم کے ساتھ کام کرنے کے کچھ عرصہ بعد یا تو ہاتھ کھڑے کر دیتا ہے یا اس کے ہاتھ کھڑے کروا دیے جاتے ہیں، کسی بھی ویمن ٹیم کی کامیاب کوچنگ وہی کوچ کر سکتا ہے جو ذہین ترین ماہر نفسیات ہو، کیونکہ تمام مرد کھلاڑیوں کی نفسیات ایک جیسی جبکہ ویمن ٹیم کی ہر کھلاڑی کی اپنی نفسیات ہوتی ہے اور کوچ کو ہر خاتون کھلاڑی کو اس کی نیچر کے مطابق لے کر چلنا ہوتا ہے
اب دیکھنا یہ ہے کہ یہ مشکل چیلنج کون قبول کرتا ہے
صبیح اظہر، محتشم رشید یا کوئی اچانک کوچ