لاہور،(‌نمائندہ تابی لیکس)پاکستان سپر لیگ( پی ایس ایل) 8 کے ڈرافٹ کے لیے 500 سے زائد غیر ملکی کھلاڑیوں نے رجسٹریشن کرالی۔جس میں آسٹریلیا کے ایرون فنچ اور میتھیو ویڈ پلاٹینم کیٹیگری میں شامل ہیں جب کہ ایلکس ہیلز، ڈیوڈ ولی، معین علی، ملان اور ٹیمال ملز بھی شامل ہیں، جنوبی افریقا کے ٹیمبا باوما گولڈ کیٹیگری میں رجسٹرڈ ہوئے ہیں۔جمی نیشم ، شکیب الحسن، کولن انگرام، لنگی اینگڈی، تبریز شمسی، راجا پکسے، ہسارنگا اور ڈاسون شنا بھی ڈرافٹ کا حصہ ہیں۔
تفصیلات کے مطابق انگلینڈ سے 130 سے زائد کھلاڑی مختلف کیٹیگری میں رجسٹرڈ ہیں اور آسٹریلیا کے 16 کھلاڑیوں، سری لنکا کے 60 سے زائد، افغانستان سے 45 اور بنگلادیش سے 30 کھلاڑی نے رجسٹریشن کرائی ہے.
اس کے علاوہ ویسٹ انڈیز سے 40، جنوبی افریقا سے 25 اور نیوزی لینڈ سے 6 کرکٹرز رجسٹریشن میں شامل ہیں۔