جیو نیوز کے پروگرام جرگہ میں پشاور زلمی کے روح رواں جاوید آفریدی نے اعلان کیا کہ وہ کرکٹ کے ساتھ ساتھ دیگر تمام کھیلوں کی بھی سرپرستی کر رہے ہیں، جاوید آفریدی کے مطابق فروغ کھیل سے نہ صرف معاشرتی رویوں میں مثبت تبدیلی آئے گی بلکہ اس کے ذریعے کسی بھی شعبے سے ذیادہ منافع کمایا جا سکتا ہے، ایک سوال پر جاوید آفریدی نے انکشاف کیا کہ وہ بہت جلد پاکستان میں قومی کھیل کی لیگ شروع کیا چاہتے ہیں، جیسے ہی سیکورٹی کلیئرنس حاصل ہوجائے گی پاکستان سپر ہاکی لیگ کے شیڈول اور پلان کا اعلان کردیا جائے گا، اب دیکھیے پاکستان سپورٹس بورڈ اور سپورٹس منسٹری کب پاکستان ہاکی فیڈریشن اور پشاور زلمی کا خواب شرمندہ تعبیر کرنے میں اپنا کردار ادا کرتے ہیں