پنجاب اولمپک ایسوسی ایشن نے ایک بار پھر پنجاب گیمز کے انعقاد کا شیڈول جاری کر دیا،گزشتہ6سال سے پانچ گیمز نہیں ہوسکیں۔پنجاب اولمپک ایسوسی ایشن کے سیکرٹری خواجہ ادریس حیدر نے پنجاب سپورٹس بورڈ حکام سے ملاقات کے بعد میڈیا سے گفتگو کرتے ہوئے کہا کہ 3 روزہ گیمز گیارہ مارچ کو شروع ہونگی،تیرہ مارچ تک جاری رہنے والے ایونٹ میں مرد و خواتین کے مقابلے ہونگے،مردوں کے 23 اور خواتین کے 7 کھیلوں میں مقابلے کروائے جائینگے۔خواجہ ادریس حیدر کا کہنا ہے کہ پنجاب سپورٹس بورڈ کے ڈائریکٹر جنرل ایونٹ کی آرگنائزنگ کمیٹی کے چیئرمین ہونگے،جبکہ ایونٹ کی افتتاحی تقریب کے مہمان خصوصی کیلئے وزیر اعلیٰ پنجاب کو درخوست کریں گے،خواجہ ادریس کا کہنا ہے کہ وزیر اعلیٰ پنجاب کو کھیلوں سے بہت محبت ہے اور امید ہے وہ خود ان گیمز کا افتتاحی ضرور کرینگے۔واضح رہے گزشتہ برس بھی گیمز کے انعقاد کی کوشش کی گئی پہلے ستمبر او بعد ازاں دسمبر میں گیمز    کروانے کا شیڈول جاری کیا گیا لیکن فنڈز کی عدم دستیابی کے باعث گیمز ملتوی کر نا پڑی تھیں۔