کرکٹ پہ در پہ مناظر تبدیل کرنے والا کھیل ہے، جہاں کچھ پتہ نہیں ہوتا کہ کس وقت کیا ہوجائے، کون ٹیم سے باہر اور کون اندر آجائے، کبھی راشد لطیف ٹیم کا حصہ نہیں تھے مگر کپتان بن کر سامنے آئے، 2010 میں جو مصباح انگلینڈ ٹور کے ممکنہ کھلاڑیوں میں بھی نہیں تھے مگر سپاٹ فکسنگ کیس نے مصباح ا لحق پر کپتانی کے دروازے کھول دیے، کچھ یہی صورت حال آسٹریلیا میں دیکھنے کو مل رہی ہے،

جی ہاں قومی ٹیم کے کپتان ہیمسٹرنگ کا شکار ہونے کے بعد میچ ادھورا ہی چھوڑ کر باہر چلے گئے تھے اور یہ وجہ بن گئی حفیظ کے اندر آنے کی

محمد حفیظ جو کل تک کم بیک کے لیے لاکھ جتن کررہے تھے اب دوسرے ون ڈے میں قومی ٹیم کی قیادت کریں گے ، اب دیکھیے کپتانی کا تجربہ رکھنے والے حفیظ اس موقع کا فائدہ کیسے اٹھاتے ہیں، کیونکہ ان کی کپتانی میں ٹی ٹونٹی ٹیم اور وہ خود آئی سی سی ریکنگ میں حکمرانی کرچکے ہیں، ترجمان پی سی بی کا آسٹریلیا سے بتانا ہے کہ شعیب ملک کا گلا بھی خراب ہے اور ابھی ان کی ٹیم میں شمولیت کا حتمی فیصلہ نہیں ہوا