جی ہاں دوبئی میں نیوزی لینڈ کی صفیں ادھیڑنے والے یاسر شاہ ریکارڈ پہ ریکارڈ اپنے نام کیے جارہے ہیں اور اب ان کی نظر   82سال پرانے ریکارڈ پر جم گئی ہیں ،،، ٹیسٹ کرکٹ میں تیز ترین 200وکٹیں لینے کا عالمی ریکارڈ جنوبی افریقہ کے لیگ اسپنر کلیری گریمیٹ کے پاس ہے جنہوں نے 1936 میں صرف 36 ٹیسٹ میچوں میں یہ کارنامہ انجام دیا تھا اور یاسر شاہ کو یہ سنگ میل عبور کرنے کےلیے محض 5 وکٹیں درکار ہیں،، یاسر شاہ کے مطابق ان کو یہ تو پتہ ہےکہ تیز ترین 200 مکمل کرنے کے لیے 5 وکٹیں درکار ہیں مگر وہ یہ نہیں جانتے کہ  کلیری گریمیٹ کون ہیں ؟

یاسر شاہ کے پاس یہ سہولت موجود ہے کہ اگر وہ آئندہ ٹیسٹ میچ میں یہ ریکارڈ نہ بھی توڑ سکے تو پھر بھی ان کے پاس دو ٹیسٹ میچ ہونگے کہ وہ کلیری کا
ریکارڈ توڑ سکیں

نیوزی لینڈ کے خلاف دوسرے ٹیسٹ میں 14 وکٹیں لے کر یاسر شاہ نے سابق کپتان عمران خان کا ریکارڈ برابر کیا ہے اور وہ عمران خان کی جانب سے مبارکباد کے پیغام کی آس لگائے بیٹھے ہیں