سوئنگ کے سلطان وسیم اکرم کا کہنا ہے کہ قومی ٹیم ورلڈ کپ میں کامیابی حاصل کرنے کی صلاحیت رکھتی ہے،، قومی ٹیم کو گزشتہ کئی عرصے سے بہتر بلے باز نہیں ملا جبکہ محمد عامر ابھی بھی دنیائے کرکٹ کے بہترین بولرز میں سے ہیں۔

اہور پولو کلب نے ساؤتھ ایشین فیڈریشن آف انڈو کراین سوسائٹیز کے زیر اہتمام دوستانہ کرکٹ میچ کا انعقاد کیا گیا۔ اس موقع پر وسیم اکرم الیون اور ڈنمارک ایمبیسڈر الیون کے مابین میچ کھیلا گیا۔۔۔ میڈیا سے گفتگو کرتے ہوئے سابق کپتان قومی ٹیم وسیم اکرم نے کہا کہ 2019 کا ورلڈ کپ 1992 کی طرز پر ہو رہا ہے تاہم قومی ٹیم کامیاب ہونے کی صلاحیت رکھتی ہے,اکرم نے مزید کہا کہ عامر بے شک پچھلے کئی میچوں سے وکٹیں حاصل نہیں کر سکا لیکن ابھی بھی دنیا کے بہترین بولر ہیں۔

سوئنگ کے سلطان نے مزید کہا کہ قومی ٹیم کو پچھلے کئی عرصے سے بہترین بلے باز نہیں ملا ، ہمیں چاہیے کہ کوالٹی کرکٹ کو پروان چڑھائیں۔ دس سال کرکٹ بورڈ کے ساتھ ناروا سلوک کیا گیا لیکن اب کرکٹ بورڈ کھلاڑیوں کے ہاتھ میں ہے
وسیم اکرم نے آخر میں طنز  کرتے ہوئے کہا کہ بریانی کھا کر دنیا کی بہترین ٹیموں کے خلاف نہیں کھیلا جا سکتا اس لیے جو اچھا کھیلے اس کو بوٹی ڈال دو اور جوکچھ نہ کر سکے اسے سادہ چاول دے دو ۔