ڈربی(سپورٹس ڈیسک)قومی ٹیم کے بائولنگ کوچ وقار یونس نے ایک بار پھر محمدعامر کو تنقید کا نشانہ بناتے ہوئے کہا ہے کہ عامر اپنی کارکردگی سے سلیکٹرز کو متاثر کریگا تو قومی ٹیم کیلئے دروزاے عامر کیلئے کھلے ہیں، اگرعامرسلیکٹرز کو متاثر نہیں کریگاتوکیسے کھیلے گا؟ یہ قومی کرکٹ ہے، کوئی فرنچائز ٹیم نہیں کہ من پسند کھلاڑی کو ٹیم میں شامل کیا جائے، انگلینڈ کی کنڈیشنز کو جانتے ہیں، سخت گرمی سے نکل کرانگلینڈ آکر ایڈجسٹ کرناتھوڑا مشکل ہوتاہے، ہمارے بائولرز انگلینڈ میں اچھا کھیلنے کی صلاحیت رکھتے ہیں، بالرز سے توقعات زیادہ ہیں،بائولنگ اٹیک کم بیک کریگا۔

تابی لیکس کے مطابق ڈربی سے ورچوئل پریس کانفرنس میں قومی ٹیم کے بائولنگ کوچ وقار یونس نے فاسٹ بولر محمد عامر کی چیف ایگزیکٹو پی سی بی وسیم خان سے ملاقات پر لاعلمی کا اظہار کیا اور کہا کہ میڈیا کے ذریعے اس ملاقات کا علم ہوا،وسیم خان پی سی بی کے بڑے ہیں ان کی مرضی وہ جس کھلاڑی سے چاہے ملاقات کرسکتے ہیں۔

قومی ٹیم کے بائولنگ کوچ نے محمد عامر کو بڑا بائولر قرار دیا اور ساتھ ہی کہا کہ وسیم خان سے ملاقات کے بعد عامر کی مرضی ہے کہ وہ کرکٹ کھیلے یا ریٹائرمنٹ لے، وہ اپنے کارکردگی سے سلیکٹرز کو متاثر کرے گا تو قومی ٹیم کے لئے دروزاے عامر کے لئے کھلے ہیں، اگرعامرسلیکٹرز کو متاثر نہیں کریگاتوکیسے کھیلے گا؟۔

وقار یونس کا کہنا تھا کہ یہ قومی کرکٹ ہے، کوئی فرنچائز ٹیم نہیں کہ من پسند کھلاڑی کو ٹیم میں شامل کیا جائے۔ورچوئل کانفرنس میں قومی ٹیم کے بائولنگ کوچ نے اس عزم کا اظہار کیا کہ انگلینڈ کی کنڈیشنز کو ہم جانتے ہیں، سخت گرمی سے نکل کرانگلینڈ آکر ایڈجسٹ کرناتھوڑا مشکل ہوتاہے، ہمارے بائولرز انگلینڈ میں اچھا کھیلنے کی صلاحیت رکھتے ہیں، بائولرز سے توقعات زیادہ ہیں،بائولنگ اٹیک کم بیک کریگا۔

بائولنگ کوچ وقاریونس کا کہنا تھا کہ انگلش بلے بازوں کیخلاف اچھی حکمت عملی بنائیں گے، حارث رف، شاہین شاہ آفریدی اس سیریز میں نمایاں کھیل دکھائیں گے، محمدحسنین او رشاداب خان سے بھی توقعات ہیں۔