زمبابوے: پاکستان اور زمبابوے کے درمیان تیسرے ون ڈے میچ کے لیے ٹآس ہو گیا ہے اور زمبابوے نے تیسرے ایک روزہ میچ میں پاکستان کے خلاف ٹاس جیت کر بیٹنگ کا فیصلہ کیا ہے۔

کوئنز اسپورٹس کمپلیکس میں اب سے کچھ دیر بعد دونوں ٹیمیں میدان میں اتریں گی، گرین شرٹس کو  5 میچز پر مشتمل سیریز میں دو صفر کی برتری حاصل ہے۔ تیسرے ایک روزہ میچ کے لیے قومی ٹیم میں دو تبدیلیاں کیے جانے کا امکان ہے، شاداب خان کی جگہ یاسر شاہ اور محمد عامر کی جگہ جنید خان کو موقع دیا جاسکتا ہے۔

کپتان سرفراز احمد کو فخر زمان، امام الحق، بابراعظم، شعیب ملک، آصف علی، فہیم اشرف، حسن علی، یاسر شاہ، جنید خان اور عثمان خان شنواری کی خدمات حاصل ہوں گی۔اسکواڈ میں شامل حارث سہیل ہمشیرہ کی طبیعت کی خرابی کے باعث واپس پاکستان آرہے ہیں تاہم ان کی جگہ اب تک کسی متبادل کو نہیں بلایا گیا۔