لاہور : پاکستان کرکٹ بورڈ (پی سی بی) نے جنوبی افریقہ کیخلاف ون ڈے سیریز کیلئے 16 رکنی قومی سکواڈ کا اعلان کر دیا ہے جس کے مطابق حارث سہیل، آصف علی اور جنید خان ٹیم سے آﺅٹ ہو گئے ہیں۔

تفصیلات کے مطابق پی سی بی کی جانب سے ہونے والے اعلان کے مطابق قومی ون ڈے ٹیم کی قیادت سرفراز احمد کریں گے جبکہ دیگر کھلاڑیوں میں بابراعظم، فہیم اشرف، فخر زمان، حسن علی، حسین طلعت، عماد وسیم، امام الحق، محمد عامر، محمد حفیظ، محمد رضوان، شاداب خان، شاہین آفریدی، شان مسعود، شعیب ملک اور عثمان خان شنواری شامل ہیں۔