ہرارے: سہ ملکی ٹی 20 سیریز کے دوسرے میچ کیلئے آسٹریلیا نے ٹاس جیت کر پاکستان کو بیٹنگ کی دعوت دی ہے۔

تفصیلات کے مطابق زمبابوے میں جاری تین ملکی ٹی20 سیریز میں کینگروز کپتان ایرون فنچ نے ٹاس جیت کر پہلے پاکستان کے خلاف فیلڈنگ کا فیصلہ کیا۔آسٹریلیا کے خلاف ٹی ٹونٹی طرز کی کرکٹ میں گرین شرٹس کو برتری حاصل ہے، دونوں ٹیمیں اب تک 14 مرتبہ مدمقابل آئیں جس میں پاکستان کو 8 اور آسٹریلیا کو 6 میچز میں کامیابی ملی۔

گزشتہ روز سیریز کے پہلے میچ میں زمبابوے کو شکست دینے کے بعد پاکستان کو 2 پوائنٹس حاصل ہیں جب کہ قومی ٹیم کے کپتان سرفراز احمد جیت کے تسلسل کو برقرار رکھنا چاہتے ہیں۔