لاہور(نمائندہ تابی لیکس)پاکستان کرکٹ بورڈ کی عبوری سلیکشن کمیٹی کے سربراہ شاہد آفریدی نے ٹی ٹوئنٹی پلیئرز کے انتخاب کیلئے اسٹرائیک ریٹ کے حوالے سے دیے گئے بیان پر وضاحت دے دی۔
حال ہی میں نجی میڈیا سے گفتگو کرتے ہوئے شاہد آفریدی نے کہا تھا کہ’ ڈومیسٹک اور ٹی ٹوئنٹی کیلئے کہہ دیا ہے کہ وہ کھلاڑی منتخب نہیں کیا جائیگا جس کا اسٹرائیک ریٹ 130 یا 135 سے اوپر نہ ہو، ہماری جاب ہے جس کیلئے مختلف چیزیں شیئر کی جارہی ہیں اور اچھی بات یہ ہے کہ ٹیم اور سلیکشن کمیٹی کے درمیان اچھی انڈرسٹینڈنگ پیدا ہورہی ہے‘شاہد آفریدی کے اس بیان کے بعد سوشل میڈیا پر کپتان بابر اعظم اور محمد رضوان کے اسٹرائیک ریٹ کے حوالے سے سوالات اٹھنے لگے، کیوں کہ ٹی 20 کرکٹ میں پاکستان ٹیم کے کپتان بابر اعظم کا اسٹرائیک ریٹ 127.80اور وکٹ کیپر محمد رضوان کا اسٹرائیک ریٹ کا 126.62ہے