نیوزی لینڈ کرکٹ بورڈ نے آئندہ برس اپنی ہوم سیریز کے شیڈول کا اعلان کردیا جس کے مطابق پاکستان ٹیم 5 ایک روزہ میچوں اور 3 ٹی ٹوئنٹی پر مشتمل سیریز کھیلنے کے لیے جنوری 2018 میں نیوزی لینڈ کا دورہ کرے گی۔

پاکستان اور کیویز کے مابین پہلا ٹاکرا ون ڈے میچ کی صورت میں ہوگا جو 6 جنوری کو ویلنگٹن کے میدان پر کھیلا جائے گا،،،، دوسرا میچ 9 جنوری کو نیلسن، تیسرا ایک روزہ میچ 13 جنوری کو ڈونیڈن، چوتھا ایک روزہ میچ 16 جنوری کو ہملٹن جبکہ پانچواں اور آخری ایک روزہ میچ 19 جنوری کو ویلنگٹن میں کھیلا جائے گا

پاکستان ٹیم 3 ٹی ٹوئنٹی میچوں پر مشتمل سیریز کا پہلا میچ 22 جنوری کو ویلنگٹن میں کھیلے گی جبکہ دوسرا ٹی ٹوئنٹی میچ 25 جنوری کو آکلینڈ میں کھیلا جائے گا، سیریز اور دورے کا آخری میچ 28 جنوری کو تورانگا میں کھیلا جائے گا۔