گزشتہ دنوں چیف سلیکٹر انضمام الحق جب اپنے کلب کی سالانہ تقریب میں بطور مہمان خصوصی شریک ہوئے تھے تو میں نے ان سے سوال کیا تھا کہ ٹیم میں کوئی بھی اضافی وکٹ کیپر نہیں اور ان کو پریکٹس میچ میں بھی وکٹ کیپنگ کرنی پڑ رہی ہے جس سے وہ ان فٹ ہو سکتے ہیں یا ان کو ٹھنڈ لگ سکتی ہے تو چیف سلیکٹر نے اس سوال کا جواب مزاحیہ انداز میں دیا کہ
ہم پوری کوشش کریں گے کہ سرفراز کو ٹھنڈ نہ لگے
اگرچہ یہ سنجیدہ سوال تھا جس کو ہنسی میں اڑا دیا گیا
مگر اب محسوس ہورہا ہے کہ کپتان سرفراز نے چیف سلیکٹر کے اعلان کا بھرپور دفاع کرنے کی مکمل تیاری کر لی ہے،، تصویر میں دیکھا جا سکتا ہے کہ کپتان نے گرم ٹوپی کے ساتھ ساتھ جیکٹ کی ٹوپی بھی اوپر کر رکھی ہے اور جیکٹ کے نیچے سویٹر بھی پہن رکھی ہے
جبکہ فاسٹ باولر محمد عامر نے اپنے آپ کو تولیے سے ڈھانپ رکھا ہے
چیف سلیکٹر انضمام الحق کے جواب کو دنیا بھر کے میڈیا نے اپنے اپنے انداز میں پیش کیا مگر تابی لیکس نے ایک حقیقی سوال پوچھا تھا اور خوشی ہے کہ کپتان نے چیف سلیکٹر کے وعدے کی پاسداری شروع کردی ہے