منڈی بہاولدین کے قصبہ رکن میں ایک نہایت ہی قابل مزمت واقعہ پیش آیا جس پر علاقے کے نوجوان سراپا احتجاج بنے ہوئے ہیں اور مقامی پولیس قیادت اور پاکستان ہاکی فیڈریشن سے اہیل کی ہے کہ اس شرمناک حرکت میں ملوث لوگوں کو آہنی ہاتھوں سے نپٹا جائے
رکن منڈی بہاولدین کا ایک مشہور قصبہ ہے جہاں تعلیم کی شرح علاقے کے کئی دیہات سے بہتر ہے،،، اس کے ساتھ ساتھ یہاں کے نوجوان کھیلوں میں بھی بڑھ چڑھ کر حصہ لیتے ہیں،، رکن ہاکی کلب مقامی سکول کی گراونڈ میں پریکٹس کرتے تھے اور ایک کمرے میں اپنا سامان رکھتے تھے

مگر گزشتہ شب کھیل دشمن عناصر نے رکن ہاکی کلب  کے سامان والے کمرے کو آگ لگا دی جس سے کمرے میں موجود ہاکی کا سارا سامان جل کر خاکستر ہوگیا
کھلاڑیوں نے ہمت ہارنے کی بجائے اعلان کیا ہے کہ ایسے اوچھے ہتھکنڈوں سے ہمارے حوصلے پست نہیں ہونگے اور بہت جلد رکن ہاکی کلب کے تمام کھلاڑی ان ایکشن نظر آئیں گے