ترجمان پاکستان کرکٹ بورڈ کے مطابق پی سی بی بورڈ آف گورنرز کا اجلاس 18 دسمبر کی صبح نیشنل کرکٹ اکیڈیمی لاہور میں چیئرمین پی سی بی کی سربراہی میں منعقد ہوگا
ترجمان پی سی بی کے مطابق میٹنگ کے ایجنڈے میں

پاکستان سپر لیگ کے بجٹ پر بحث ہوگی جبکہ ذرائع کے مطابق پی ایس ایل مالکان کی جانب سے حکومتی ٹیکس میں چھوٹ کو بھی زیر بحث لایا جائے گا

میٹنگ میں آڈٹ کمیٹی بھی اپنی رپورٹ پیش کرے گی
کرکٹ کمیٹی بھی اپنی رپورٹ ،تجاویز اور اب تک کی کارکردگی پیش کرے گی
ممبران گورننگ باڈی کو پی سی بی اور بھارتی کرکٹ بورڈ کے مابین تنازع کی تفصیلات اور تازہ ترین صورت حال سے آگاہ کیا جائے گا
پاکستان سپر لیگ کی تیاریوں کے سلسلے میں اب تک کی پیش رفت سے بھی ممبران کو اعتماد میں لیا جائے گا
18 دسمبر کی بی او جی میٹنگ کو اس لحاظ سے بھی تاریخی اہمیت حاصل ہوگی کہ اس میں وزیر اعظم پاکستان عمران خان کی دیرینہ خواہش پوری ہو جائے گی اور ڈیپارٹمنٹل کرکٹ کے خاتمے کا اعلان کر دیا جائے گا اور ریجنز کی تعداد بھی آٹھ تک محدود کردی جائے گی  اور یہی آٹھ ادارے قائد اعظم ٹرافی کھیلیں گی  اور ہر ٹیم پر اخراجات ایک ایک ڈیپارٹمنٹ اٹھائے گا اور وہی ادارہ ٹیم کے ساتھ سٹاف متعین کرنے کا مجاز ہوگا اور یہ تاریخی بل ڈائریکٹر ڈومیسٹک ہارون رشید کریں گے