فاسٹ باولر وہاب ریاض نے ایک بار پھر ان مبصرین کی ہوا نکال دی کہ جو یہ دعوی کر رہے تھے کہ وہاب ریاض کی کرکٹ ختم ہوگئی کیونکہ وہ تینوں فارمیٹ کے مہنگے ترین باولر ثابت ہورہے ہیں
پاکستان کرکٹ بورڈ بھی دعوی تو کررہا ہے کہ نوجوان کھلاڑیوں کو ٹیم کا حصہ بیانا جائے گا اور مستقبل کے لیے ٹیم بنائی جائے گی مگر شاید پی سی بی بھی وہاب ریاض کی خصوصیات سے واقف نہیں کہ وہ ٹیم میں جگہ بنانے کے ہنر میں پی ایچ ڈی ہیں

ایک طرف تو ہیڈ کوچ و کپتان عثمان شنواری کو مستقبل کا اثاثہ قرار دے رہے ہیں مگر المیہ دیکھیے کہ سہیل خان اور شنواری کو ورلڈ الیون کے خلاف موقع تو دیا گیا مگر سری لنکا کے خلاف ٹیسٹ سیریز سے ڈراپ کر دیا گیا
احمد شہزاد فارم میں آئے تو ان کی جگہ سمیع اسلم کو ٹیم میں شامل کر لیا گیا،،،ماہرین کرکٹ سری لنکا کے خلاف اعلان کردہ ٹیم کو حیران کن قرار دے رہے ہیں
اعلان کردہ ٹیم میں سرفراز احمد(کپتان)، شان مسعود، سمیع اسلم، حارث سہیل، اظہر علی، اسد شفیق، بابر اعظم، عثمان صلاح الدین، محمدعامر، بلال آصف، حسن علی، یاسر شاہ، محمد اصغر، وہاب ریاض، محمد عباس اور میر حمزہ شامل ہیں