کراچی(نمائندہ تابی لیکس) نیوزی لینڈ کرکٹ ٹیم کے ہیڈ کوچ گیری اسٹیڈ نے پریکٹس سیشن کے بعد میڈیا سے گفتگو کرتے ہوئے کہا کہ کنڈیشنز نیوزی لینڈ سے بہت مختلف ہیں، ہم صورتحال کو دیکھتے ہوئے اسکواڈ منتخب کریں گے، حالیہ کارکردگی کے بعد نیوزی لینڈ کرکٹ ٹیم میں تبدیلیاں ناگزیر تھیں، ہمیں اپنے اسکواڈ میں شامل کیے جانے والے نوجوان کھلاڑیوں سے بہت اچھی توقعات ہیں، امید ہے کہ وہ دورہ پاکستان میں بہترین پرفارمنس کا مظاہرہ کریں گے۔
کیوی کوچ نے کہا کہ اسپنر ابرار احمد بہت زبردست بولنگ کررہے ہیں، ٹرینٹ بولٹ ہماری ٹیم کے ساتھ نہیں لیکن ہماری تمام تر توجہ اپنے دستیاب کھلاڑیوں پر مرکوز ہے، انگلینڈ کے خلاف سیریز میں وائٹ واش کے باوجود پاکستان کو ہرگز کمزور نہیں سمجھتے، پاکستان ایک اچھی ٹیم ہے اور اسے شکست دینا آسان نہیں ہوگا۔