کراچی(نمائندہ تابی لیکس) نیوزی لینڈ کے خلاف تین میچز پر مشتمل ون ڈے انٹرنیشنل سیریز کے لیے 16 رکنی قومی ٹیم کا اعلان آج کیا جائے گا۔پاکستان کرکٹ بورڈ کی عبوری سلیکشن کمیٹی کے سربراہ کپتان شاہد خان آفریدی منتخب کھلاڑیوں کے ناموں کا اعلان کریں گے، ممکنہ کھلاڑیوں میں بابر اعظم (کپتان)، عبداللہ شفیق، ابرار احمد، عامر جمال، حارث رؤف، حسن علی، احسان اللہ، امام الحق، کامران غلام، محمد حارث، محمد نواز، محمد رضوان، محمد وسیم، نسیم شاہ، قاسم اکرم، سلمان علی آغا، شاداب خان، شاہنواز دھانی، شان مسعود، شرجیل خان، فخر زماں، حارث سہیل اور طیب طاہر شامل ہیں۔
دونوں ٹیموں کے مابین ون ڈے میچز کی سیریز 9، 11 اور 13 جنوری کو نیشنل اسٹیڈیم کراچی میں کھیلے جائیں گے۔ یہ میچز آئی سی سی کرکٹ ورلڈکپ سپر لیگ کا حصہ ہیں۔