کراچی:پاکستان کرکٹ بورڈ کے چیئرمین نجم سیٹھی نے دہشتگردوں کی جانب سے دھمکیاں ملنے کا انکشاف کرتے ہوئے کہا ہے کہ دہشت گردوں کی دھمکیاں آتی رہتی ہیں لیکن کوئی سنجیدہ معاملہ نہیں ہے ۔

پاک ویسٹ انڈیز ٹی 20 سیریز کے حوالے سے گفتگو کرتے ہوئے نجم سیٹھی کا کہنا تھا کہ کراچی میں رنگ ہیں، زندگی ہے لوگ بلا خوف و خطر ہر جگہ آجا رہے ہیں ۔

چیئرمین پی سی بی نے مزید کہا کہ پی ایس ایل فائنل کے بعد اب دنیا کراچی کو ایک اور نظر سے دیکھ رہی ہے جبکہ ویسٹ انڈیز کے تمام سٹار کھلاڑی پاکستان آ رہے ہیں ،قوم کی دعائوں سے پاکستان میں کرکٹ واپس آ رہی ہے ۔

نجم سیٹھی نے کہا کہ کرس گیل نے آئی پی ایل کی وجہ سے آرام کو ترجیح دی ہے ۔خیال رہے کہ پاکستان اور ویسٹ انڈیز کے مابین تین ٹی 20 میچوں کی سیریز کا پہلا میچ کل رات 8 بجے نیشنل سٹیڈیم کراچی میں کھیلا جائے گا جبکہ مہمان ٹیم آج دو مختلف پروازوں کے ذریعے دبئی سے کراچی پہنچے گی۔