کراچی :  سابق کپتان اور لیجنڈ کرکٹر جاوید میانداد نے کہا ہے کہ کپتان سمیت جو کھلاڑی پرفارمنس نہیں دے گا وہ ٹیم سے باہر ہوگا، سرفراز احمد اچھی کارکردگی دکھاتے رہے تو کپتان رہیں گے۔

جاوید میانداد نے کہا کہ اتنا بڑا کراچی ہے، ریجن و زونز سے پوچھیں کتنے کھلاڑی نکالے، کراچی کرکٹ کو کہاں لے کر گئے، کتنے کھلاڑی سامنے لائے، ریجن اور زونز سے حساب لیں کیونکہ ان کو پیسہ ملتا ہے، کراچی کے فرسٹ کلاس کرکٹرز کو کیوں آگے نہیں لایا جارہا ہے، ٹیم میں کراچی کے بہت لڑکے تھے، سب اپنی پرائیوٹ نرسریاں چلا رہے ہیں۔