لندن:دورہ انگلینڈ میں پاکستانی ٹیم کا پہلا ٹیسٹ میچ آج سے شروع ہو گا ۔

تفصیلات کے مطابق انگلینڈ کے دورہ پر موجود قومی کرکٹ ٹیم کا میزبان برطانوی ٹیم کے ساتھ پہلا ٹاکرا آج سے شروع ہوگا جبکہ کپتان سرفراز اپنی کارکردگی سے لارڈز کے تاریخی میدان میں جیت کیلئے پرعزم ہیں تو شاداب خان بھی یاسر خان کی کمی کو پورا کرنے کیلئے پرامید ہیں۔

پاک ،انگلش ٹیمیں لارڈز میں دن تین بجے اِن ایکشن ہوںگی۔نوجوان سپنر شاداب خان بھی اپنی گھومتی گیندوں سے گوروں کا سرچکرانے کے لئے پر امید ہیں۔خیال رہے کہ انگلینڈ کے خلاف پاکستان کی جیت اسے رینکنگ میں 7 ویں سے 5 ویں پوزیشن پر پہنچا دے گی۔