ڈومیسٹک کرکٹ اور دنیا کی مختلف لیگز میں عمدہ کارکردگی دکھانے کے باوجود مسلسل نظر انداز ہونے والے کامران اکمل نے تابی لیکس کو خصوصی ویڈیو انٹرویو میں کہا ہے کہ انہوں نے پاکستان کی جانب سے کھیلنے کے خواب دیکھنے چھوڑ دیے ہیں، تاہم ان کی خواہش ہے کہ ورلڈکپ کے بعد  انکو ٹیسٹ کرکٹ کھیلنے کا موقع دیا جائے تاہم اب انہوں نے ورلڈکپ میں شامل نہ کیے جانے پر فیصلہ کیا ہے کہ وہ ون ڈے اور ٹی ٹونٹی کرکٹ سے دستبردار ہوجانا چاہیے اور پاکستان کو بھی چاہیے کہ موجودہ کھلاڑیوں کے ساتھ ورلڈکپ میں شرکت کرے
نیوزی کے خلاف بدترین شکست پر کامران اکمل نے کہا اگر یو اے ای میں ایسی ہی غیر معیاری پچز بنائی جاتی رہیں تو نتائج اس سے بھیانک آئیں گے،،، کامران اکمل نے کہا کہ جب تک قومی ٹیم میں شمولیت کا پیمانہ ڈومیسٹک کرکٹ کو نہیں بنایا جائے گا ہمارا معیار مزید تنزلی کا شکار ہوگا،،

وکٹ کیپر بیٹسمین کامران اکمل نے کہا کہ سرفراز احمد کے کپتانی چھوڑ دینے سے مسائل حل نہیں ہونگے اور قومی ٹیم کو جنوبی افریقہ بڑے دل کے ساتھ جانا چاہیے کیونکہ ہمارے پاس ایسے بلے باز ہیں جو ساوتھ افریقہ کی معیاری پچز پر رنز بنانے کی صلاحیت رکھتے ہیں
کامران اکمل سے کیا گیا ویڈیو انٹرویو بہت جلد آپ کی خدمت میں پیش کر دیا جائے گا