انڈیا: پاکستانی بچے کو اپنے بولنگ ایکشن کی تقلید کرتے دیکھ کر کہا کہ یہ بہت شاندار احساس ہے کہ اب بچے میرے ایکشنز کو کاپی کر رہے ہیں۔

عمیر آفریدی نامی ایک پاکستانی نے سماجی رابطے کی ویب سائٹ ٹوئٹر پر ایک بچے کی بولنگ کرتے ہوئے ویڈیو پوسٹ کی اور ساتھ میں بھمرا کو مخاطب کرتے ہوئے لکھا، ‘یہ 5 سالہ پاکستانی بچہ آپ کا بہت بڑا فین ہے۔ایشیا کپ میں آپ کی بولنگ دیکھنے کے بعد یہ بھی اسی طرح سے بولنگ کرنے کی کوشش کرتا ہے۔’

جس پر بھمرا نے جوابی ٹوئیٹ میں لکھا، کہ بچپن میں وہ بھی اپنے کرکٹ ہیروز کے ایکشنز کو کاپی کیا کرتے تھے.حالیہ ایشیا کپ میں شاندار کارکردگی دکھانے والے بھمرا اِن دنوں انٹرنیشنل کرکٹ نہیں کھیل رہے،اورآرام کی وجہ سے ٹیم سے باہر ہیں ۔ جیسپرٹ بھمرا 6 ٹیسٹ میچوں میں 28، 41 ون ڈے انٹرنیشنل میچوں میں 41 اور 35 ٹی ٹوئنٹی میچز میں 43 وکٹیں لے چکے ہیں۔