مشہور زمانہ کمنٹیٹر ہینری بلوفیڈ نے حال ہی میں اپنی حیات کی بہترین ورلڈ الیون تیار کی ہے، جس میں دو پاکستانی اور ایک بھارتی کھلاڑی سچن ٹنڈولکر شامل ہیں، جبکہ وہ کالی آندھیوں کے حصار میں نظر آتے ہیں اور بجا طور پر ایک زمانہ تھا جب کالی آندھیوں کا ڈنکا بجتا تھا

ہینری کی ٹیم میں دو پاکستانیوں کی شمولیت ان کی صلاحیتوں کا اعتراف  ہے، جی ہاں سابق کپتان راشد لطیف اور سابق کپتان، سوئنگ کے سلطان وسیم کو ہینری نے اپنی ٹیم میں رکھا ہے

وسیم اکرم  کو تو بھرپور کرکٹ کھیلنے کا موقع ملا مگر راشد لطیف کا کیریئر سمندری لہروں کی طرح اتار چڑھاو کا شکار رہا، کبھی پاکستان کرکٹ بورڈ تو کبھی وہ خود اپنے لیے مشکلات کا سامان پیدا کرتے رہے ، اگر راشد لطیف مصلحت پسند ہوتے تو ماہرین کا ماننا ہے کہ ان کے بیگ میں اتنے ریکارڈز ہونے تھے جتنے کسی امیر کرکٹر کے بیگ میں پیسے