یس پی ایس کلب نے کمبائنڈ کلب کو 72رنز سے شکست دے کر پہلی الحاج رانا بشیر محمد خان میموریل دسٹرکٹ فیصل آباد ٹی ٹونٹی چیمپئن شپ جیت لی ۔دسٹرکٹ کرکٹ ایسوسی ایشن فیصل آباد کے سیکرٹری اعجاز فاروق کی طرف سے پی سی بی کو بھجوائی گئی رپورٹ کے مطابق اپنی ہوم گراؤنڈ پر ایس پی ایس کلب نے ٹاس جیت کر پہلے بیٹنگ کرتے ہوئے آٹھ وکٹوں کے نقصاں 207رنزبنائے ،،،محمد لئیق 62،محمد اشرف 41اور محمد شفیق 23رنز بناکر نمایاں رہے ۔کمبائنڈ کرکٹ کلب کے سلمان شفقت ،فیصل پرویز اور ناصر خان نے دودو کھلاڑیوں کو آؤٹ کیا۔جواب میں کمبائنڈ کلب کی ٹیم 135رنزبناکر آؤٹ ہو گئی ۔علی شان 43،عبدالصمد 22اور محمد اخلاق19رنز بناکر نمایاں رہے ۔ایس پی ایس کلب کے رجب علی نے تین جبکہ محمدلئیق اور محمد سمیع نے دودو کھلاڑیوں کوآؤٹ کیا ۔میچ میں آل راؤنڈ کارکردگی پر ایس پی ایس کلب کے محمد لئیق کو مین آف دی میچ قراردیا گیا ۔ڈپٹی کمشنر فیصل آبادسردار سیف اللہ دوگر ،وزیر اعلی پنجاب کے ایڈوائزر برائے سپورٹس عمر فاروق ،صدر فیصل آبادڈسٹرکٹ کرکٹ ایسوسی ایشن حسیب اللہ شاہد،سیکرٹری اعجاز فاروق ،رکن قومی سلیکشن کمیٹی وسیم حیدر،صدر ایس پی ایس کلب صدر عبد الشکور ،سینئر کرکٹ آرگنائزر خالد محمودناگرہ نے فائنل میچ کے موقع پر کھلاڑیوں میں انعامات تقسیم کئے ،،،