لاہور:پانچ بار فٹبال کا عالمی کپ اپنے نام کرنے والی برازیل کی ٹیم تمام کے تمام اکیس ورلڈ کپ کھیلنے والی دنیا کی واحد ٹیم بن گئی ہے۔

تفصیلات کے مطابق سب سے زیادہ ورلڈ کپ کا پانچ بار ٹائٹل برازیل نے جیتا، آئس لینڈ اور پانامہ پہلی بار عالمی فٹبال کپ کھیل رہے ہیں۔

برازیل فٹبال ٹیم کا نہ ٹوٹنے والا ریکارڈ، اب تک تمام کے تمام اکیس ورلڈ کپ کیلئے کوالیفائی کیا، برازیل ہی سب سے زیادہ پانچ مرتبہ عالمی چیمپئن بنا۔

موجودہ چیمپئن جرمنی نے عالمی ٹرافی پر چار بار قبضہ جمایا،چار ورلڈ کپ جیتنے والا اٹلی دوہزار اٹھارہ کے ورلڈ کپ کیلئے کوالیفائی ہی نہ کرسکا۔ ارجنٹائن اوریوروگوئے نے دو دو بار ورلڈ ٹرافی شو کیس میں سجائی جبکہ انگلینڈ ، سپین ،اور فرانس کو ایک ایک بار عالمی چیمپئن بننے کا اعزاز حاصل ہے۔

آئس لینڈ اور پانامہ کی ٹیمیں روس میں پہلی بار عالمی فٹبال کپ کھیل رہی ہیں۔خیال رہے کہ فٹبال ورلڈ کپ آئندہ ماہ سے روس میں شروع ہوگا۔