لاہور(سپورٹس ڈیسک) سابق ٹیسٹ کرکٹر عاقب جاوید نے کہا ہے کہ ٹیم میں جس کا جو کردار ہے اس کو وہی کرنا چاہیے۔

تابی لیکس کی رپورٹ کے مطابق سابق ٹیسٹ کرکٹر عاقب جاوید نےکہا کہ حارث رؤف کو ٹی 20سکواڈ میں ہی رکھنا چاہیے۔ ایک روزہ میچز کے لیے دیگر آپشنز دیکھنے چاہیے۔

انہوں نے کہا کہ ٹیم مینجمنٹ نے حارث رؤف سے نئی گیند کرانا اور سکھانا شروع کر دیا، حارث رؤف اچھے باؤلر تھے لیکن پتہ نہیں کیا ہو گیا۔

عاقب جاوید نے کہا کہ حارث رؤف ٹیم مینجمنٹ سے کہتے کہ میں نے نیا بال نہیں کرنا۔ پی ایس ایل میں حارث رؤف کو کچھ سمجھ نہیں آرہا تھا۔

انہوں نے کہا کہ حارث رؤف کو رول مڈل اور آخرمیں تیز باؤلنگ کرنا تھا۔ ٹیم میں جس کا جوکردار ہے اس کو وہی رکھنا چاہیے۔