پاکستان کا سب سے بڑا اور ساحل سمندر پر واقع شہر کراچی عرصہ دراز سے پانی کی قلت کا شکار ہے اور ٹینکر مافیا کے رحم و کرم پہ ہے،،، آئے دن احتجاج اور ٹی وی ٹاک شوز کے باوجود اہالیان کراچی کا دیرینہ مسئلہ جوں کا توں ہے اور لوگ لوگ بوند بوند کو ترس رہے ہیں،،،،

ایسی صورت حال پر قومی کرکٹ ٹیم کے سابق کپتان شاہد آفریدی بھی بول اٹھے ،،، اپنے ٹوئٹر پیغام میں شاہد آفریدی نے حکومتی گریبان جھنجھوڑتے ہوئے کہا ہے کہ
پاکستان کو بنے 70برس ہوگئے مگر کراچی شہر جو پاکستان کی شہ رگ کی حیثیت رکھتا ہے اس کےمسائل آج تک حل نہیں کئے جا سکے، سمندر کے کنارے ہونے کے باوجود اس شہر کے مکین پانی کے بوند بوند کو ترس رہے ہیں، حکومتیں آئیں اور گئیں مگر پانی کا مسئلہ ٹھیک نہیں کیا، آخر کب پانی کا مسئلہ حل ہوگا؟