دہرادون:افغانستان نے بنگلہ دیش کو تیسرے اور آخری ٹی 20 میچ میں سنسنی خیز مقابلے کے بعد 1 رن سے شکست دیدی۔

تفصیلات کے مطابق بھارتی شہر دہرادون میں کھیلے گئے تیسرے ٹی 20 میچ میں افغانستان نے پہلے کھیلتے ہوئے 6 وکٹ کے نقصان پر مقررہ 20 اوورز میں 145 رنز بنائے ۔146 رنز ہدف کے تعاقب میں سنسنی خیز مقابلہ دیکھنے کو آیا اور بنگلہ دیش کی ٹیم 6 وکٹ پر 144 رنز بناسکی اور اس طرح افغانستان نے 1 رن سے فتح حاصل کرکے تین میچوں کی سیریز میں کلین سویپ کرلیا۔

افغانستا ن کی جانب سے محمد شہزاد نے 26 ،عثمان غنی نے 19 ،اصغر ستانکزئی نے 27 ،سمیع اللہ شنواری نے ناٹ آﺅٹ 33 ،محمد نبی نے 3 ،نجیب اللہ زدران نے 15 ،شفیق اللہ نے 15 اور راشد خان نے 1 رن ناٹ آﺅٹ بنایا۔

بنگلہ دیش کی جانب سے نظم الاسلام نے 2 ،شکیب الحسن نے 1 ،ابوجاوید نے 2 اور عارف الحق نے 1 وکٹ اپنے نام کی۔جواب میں بنگلہ دیش کی جانب سے بیٹنگ کرتے ہوئے لتن داس نے 12 ،تمیم اقبال نے 5 ،سومیا سرکار نے 15 ،مشفق الرحیم نے 46 شکیب الحسن نے 10 ،محموداللہ نے 45 اور عارف الحق نے 5 رن ناٹ آﺅٹ بنائے۔

افغانستان کی جانب سے مجیب الرحمان نے 1 ،کریم جنت نے 1 اور راشد خان نے 1 وکٹ حاصل کی۔مشفق الرحیم کو میچ جبکہ راشد خان کو سیریز کا بہترین کھلاڑی قرار دیا گیا ۔اس طرح افغانستان نے تین میچو ںکی سیریز 3-0 سے جیت کر کلین سویپ کرلیا۔