صاحب اسے اعتماد کہیں یا قبل از وقت بڑے بول ابرار احمد پاکستان بمقابلہ انگلینڈ سیریز میں منتخب ہوئے ہیں اور انہوں نے اپنے انٹرویو میں سب کا نام لیا مگر قومی ٹیم تک رسائی کو ممکن بنانے والے محسن کا نام تک نہیں لیا
تابی لیکس خوب جانتا ہے کہ ان کے انتخاب میں کلیدی کردار کس سابق کپتان پاکستان کرکٹ ٹیم کا ہے مگر ہمارے ہاں محض اس کا نام لیا جاتا ہے جو قومی ٹیم سے متعلقہ آفیشل ہو

نجی ٹی وی چینل سے بات چیت کرتے ہوئے ابرار احمد نے دعوی کیا کہ مجھے روکنا مشکل ہے، موقع ملا تو انگلینڈ کے خلاف بھی نمایاں کارکردگی کا مظاہرہ کروں گا

ابرار احمد نے دعوی کیا کہ ٹیسٹ کھیلنا ہر کھلاڑی کا خواب ہوتا ہے، اب میرا نام ٹیسٹ اسکواڈ میں آیا ہے تو خوشی نہال ہوں ۔

ابرار احمد نے دعوی کیا کہ اسی طرح چیف سلیکٹر محمد وسیم بھی بولنگ کا پوچھتے رہتے تھے کہ کیسی جا رہی ہے، اس طرح مجھے اندازہ ہو گیا تھا کہ مجھے موقع ملنے والا ہے،

ابرار احمد نے بتایا کہ شروع میں ٹیپ بال سے فنگر اسپن کرتا تھا، پھر راشد لطیف اکیڈمی کراچی جوائن کیا ، مانسہرہ سے تعلق ہے لیکن کرکٹ ساری کراچی میں ہی کھیلی، مینڈس اور مجیب الرحمٰن کی طرح فنگر اسپن کرتا ہوں، سنیل نارائن کو بھی پسندیدہ باولرز میں شامل ہیں ۔ہیہی

ابرار احمد نے دعوی کیا کہ کہ مجھے ساتھی کھلاڑی وائٹ بال کا ایکسپرٹ کہا کرتے تھے، لیکن میں ان کو کہتا تھا مجھے ریڈ بال میں آنے دو مجھے روکنا مشکل ہوگا اور پھر میں نے ثابت کیا کہ مجھے روکنا مشکل ہے۔

ابرار احمد قائد اعظم ٹرافی کے رواں سیزن میں سات میچز میں 43 وکٹیں حاصل کر چکے ہیں، سندھ کی نمائندگی کرنے والے ابرار احمد کی بہترین بولنگ 61 رنز دے کر 6 وکٹیں حاصل کرنا ہے، وہ رواں سیزن میں سب سے زیادہ وکٹیں حآصل کرنے کا اعزاز رکھتے ہیں ۔