دورہ جنوبی افریقہ،،، عباس اور فخر زمان کی شمولیت کے بارے جانیے

ذرائع کے مطابق پی سی بی کے میڈیکل پینل نے فٹنس کی مکمل بحالی کے لئے ڈیڑھ ماہ کا پروگرام دیا ہے جس کی وجہ سے فخر زمان کی پروٹیز کے خلاف ٹیسٹ سیریز میں شرکت مشکوک ہے۔ اور ان کی جگہ کسی نوجوان کھلاڑی ٹیم میں شامل کیے جانے کا امکان ہے

ادھر فاسٹ باولر محمد عباس کے بارے ملی جلی اطلاعات ہیں،،

ابتدائی اطلاعات میں بتایا گیا تھا کہ محمد عباس کا دورہ جنوبی افریقہ کیلیے دستیاب ہونا بھی ممکن نہیں ہوگا، البتہ ٹیم مینجمنٹ کو پیسر کے سیریز سے قبل فٹ ہونے کی امید ہے، پاکستان اور جنوبی افریقہ کے مابین پہلا ٹیسٹ 26دسمبر سے شروع ہوگا۔

یاد رہے کہ یو اے ای میں پاکستان اور نیوزی لینڈ کے مابین سیریز میں محمد عباس 4 میں سے3 اننگزمیں کوئی وکٹ نہیں حاصل کرپائے۔ وہ اس سے قبل آسٹریلیا کیخلاف 2ٹیسٹ میچز میں 17شکار کرنے میں کامیاب ہوئے تھے، چیف سلیکٹر انضمام الحق نے اشارہ دیا تھا کہ عباس کو پروٹیز کیخلاف ون ڈے سیریز میں بھی آزمایا جا سکتا ہے، البتہ اب اس کا انحصار ان کی فٹنس پر ہے