دبئی : اسلام آبد یونائیٹڈ نے پی ایس ایل سیزن تھری میں دو میچ کھیل کر ایک میں کامیابی حاصل کی ہے ۔ اسلام آباد کے کپتان مصباح الحق انجری کے سبب دونوں میچ نہیں کھیل سکے اور تاحال اس بات کا بھی اندازہ نہیں کہ وہ اگلا میچ کھیل پائیں گے یا نہیں ، لیکن اب اسلام آباد یونائیٹڈ کے پاس مایہ ناز ٹی 20 کھلاڑی جے پی ڈومینی کی صورت میں تازہ کمک پہنچ چکی ہے جو ممکنہ طور پر آج کوئٹہ کیخلاف شارجہ میچ میں حصہ لیں گے ۔

جے پی ڈومنی نے دبئی روانگی سے قبل اپنے ٹوئٹر اکاﺅنٹ پر جاری پیغام میں لکھا ”چلو نئی مہم شروع کریں۔ اگلا پڑاﺅ دبئی، پی ایس ایل 2018ءکیلئے اپنی ٹیم اسلام آباد یونائیٹڈ کو جوائن کرنے کیلئے بے تاب ہوں۔ اگلے چند ہفتے بہت ہی زبردست ہوں گے۔“

Let the new venture begin. Next stop Dubai ???? looking forward to meeting up with my team @IsbUnited for this #PSL2018 league. Exciting few weeks ahead. #UnitedWeWin pic.twitter.com/HMDg0r19o9

— JP Duminy (@jpduminy21) February 26, 2018

جے پی ڈومنی کی جانب سے جیسے ہی پیغام سامنے آیا تو مداحوں کی خوشی کا ٹھکانہ ہی نا رہا ۔