جی ہاں جمعرات کو پاکستان واپڈا اور ایس این جی پی ایل کے مابین قائد اعظم ٹرافی کا فائنل میچ کراچی میں ہونے جارہا ہے اور سوئی گیس ٹیم کے لیے خوشی کی خبر یہ ہے کہ قومی ٹیم کے سابق کپتان اظہر علی اور محمد حفیظ نے فٹنس ٹیسٹ کلیئر کر لیا ہے اور وہ فائنل کے لیے ٹیم کو دستیاب ہونگے،،،یہ خبر محمد حفیظ کے لیے بھی خوشی کی ہے کیونکہ اب وہ دورہ نیوزی لینڈ میں قومی ٹیم کی نمائندگی کرنے کے مضبوط امیداور بھی بن گئے ہیں،،،قائد اعظم ٹرافی کے فائنل کے لیے دونوں ٹیموں کو اعلی پائے کے کھلاڑیوں کی خدمات حاصل ہیں اور کیونکہ یہ میچ پانچ روزہ ہے اور کراچی میں ہے اس لیے یہ یقینی ہے کہ نتیجہ یقینی ہے،،ایس این جی ایل کا حریف واپڈا گزشتہ دو سال سے پاکستان کرکٹ پر محمد آصف، کامران اکمل، سلمان بٹ اور عامر سجاد کی عمدہ کارکردگی کی وجہ سے چھایا ہوا ہے جبکہ دوسری طرف ماضی قریب میں پاکستان کرکٹ پر راج کرنے والی ٹیم SNGPL نے بھی جاندار طریقے سے کم بیک کیا ہے اور ان کو مصباح الحق،،محد حفیظ،،اظہر علی،،محمد عباس اور خرم شہزاد جیسے مستند کھلاڑیوں کی خدمات حاصل ہیں