چیف سلیکٹر انضمام الحق نے سجال کی خصوصی دعوت پر سجال آفس میں میٹ دی پریس میں گفتگو کرتے ہوئے کچھ ایسے اعلانات کیے جن سے تاثر ملا کہ وہ اپنے عہدے کے علاوہ بھی اچھے خاصے اختیارات اپنی جیب میں رکھتے ہیں
انضمام الحق نے یونس خان اور مصباح الحق کو اشارہ دیا کہ ہر کھلاڑی کو ایک دن ریٹائر ہونا ہوتا ہے اور دونوں عظم کھلاڑیوں کو با عزت طریقے سے الوداع کرنا چاہتے ہیں اور اس سلسلے میں یونس خان سے ملاقات کروں گا

سلمان بٹ کے لیے سبز بتی روشن کرتے ہوئے کہا کہ سابق کپتان کی صلاحیتوں کا جائزہ لینا ضروری تھا اور ان کو قومی ٹیم میں شامل کرنے پر کوئی رکاوٹ حائل نہیں

سابق کپتان انضمام الحق نے گول میز کانفرنس پر بات کرتے ہوئے کہا کہ بڑوں کو مدعو کر کے عہد جدید کی کرکٹ کی آگاہی لینا اور دینا ہے

انضما م الحق نے کہا کہ شرجیل خان اور بابر اعظم اچھی دریافت ہیں اور ہمارے پاس مصباح الحق اور یونس خان کے متبادل کھلاڑی تیار بیٹھے ہیں

انضمام الحق نے دعوی کیا کہ اگر وہ ہیڈکوچنگ میں جاتے تو اچھا کرکے دکھاتے تاہم قومی ٹیم کی سلیکشن بھی اہم ترین ذمہ داری ہے۔ انہوں نے کہا کہ ہر کھلاڑی کو چاہیے کہ ریٹائر ہونے سے ایک سال پہلے اعتماد میں لے لے تو اسکو باعزت طریقے سے الوداع کیا جائے گا