More share buttons
اپنے دوستوں کے ساتھ اشتراک کریں

پیغام بھیجیں
icon تابی لیکس
Latest news
لاہور۔ پی ایس ایل 7 کی آن لائن ٹکٹوں کا اجراء شروع ہوگیا لاہور۔ شائقین کرکٹ آن لائن ٹکٹوں کی خریداری کرسکتے ہیں لاہور۔ پہلے مرحلے میں ابتدائی سات میچوں کی ٹکٹیں فروخت کے لئے آن لائن دستیاب ہیں لاہور۔ 17 جنوری تک پی سی بی نے ٹکٹوں کی خریداری پر خصوصی رعایت دی ہے کرکٹ کھیلنے کے معاملے میں ہم نہیں بلکہ بھارت دباؤ میں ہے، رمیز راجا کرکٹ کو اولمپکس کا حصہ بنوانے کیلیے آئی سی سی 3 ملین ڈالر خرچ کرے گا شاہین کو ابھی کپتانی سے منع کیا تھا: شاہد آفریدی پاکستان جیسا مہمان نواز ملک کوئی نہیں، سابق آسٹریلوی کپتان گریگ چیپل کی دورہ پاکستان کی حمایت سرفراز 2018 میں فوادعالم کو ٹیم میں شامل کرسکتے تھے لیکن ایسا نہ کیا، توصیف احمد ہربھجن نے کرکٹ کے تمام فارمیٹس سے ریٹائرمنٹ کا اعلان کردیا سابق پاکستانی کرکٹر عتیق الزمان بھی انگلش کرکٹ میں نسلی تعصب کیخلاف بول پڑے سپرلیگ مرحلہ 15 جون تک مکمل کرلیا جائے گا، ذرائع سپرلیگ میچوں میں سے 12 میچوں کو چھ روز میں مکمل کیا جائے گا، ذرائع

انجری سے واپسی کے بعدحسن علی کی کرکٹ میں نکھار آگیا

انجری سے واپسی کے بعدحسن علی کی کرکٹ میں نکھار آگیا

ڈربی(سپورٹس ڈیسک)انجری سے واپسی کے بعد پاکستان کرکٹ ٹیم کے فاسٹ بائولر حسن علی کی کرکٹ میں نکھار آگیا جبکہ وہ ایک نئے روپ میں بھی نظر آئے۔26 سالہ کرکٹر نے رواں سال جنوری سے مئی تک 11 انٹرنیشنل میچز میں 40 وکٹیں حاصل کرکے ناقدین کے منہ بند کردیے جبکہ انجری سے واپسی کے بعد ان کی بیٹنگ میں بھی خاطر خواہ بہتری دیکھنے میں آئی۔

2016 میں اپنا انٹرنیشنل ڈیبیو کرنے والے حسن علی دوسال بعد ہی کمر کی انجری کا شکار ہوگئے اور پھر تقریباََ دو سال ٹیم میں ان اور آؤٹ ہوتے رہے، بالآخر انہوں نے مکمل ری ہیب کے بعد قائداعظم ٹرافی 21-2020 میں شرکت کی اور بیٹ اور بال دونوں سے متاثرکن کارکردگی کی بدولت انٹرنیشنل کرکٹ میں اپنے دوبارہ کم بیک کی راہ ہموار کرلی۔

قومی کرکٹ ٹیم میں کم بیک کرنےپرانہوں نے 26 جنوری 2021 کو جنوبی افریقہ کے خلاف کراچی میں کھیلے گئے پہلے ٹیسٹ میچ میں شرکت کی۔ وہ اس میچ کی ایک اننگز میں 21 رنز بنانے کے علاوہ دونوں اننگز میں صرف 2 وکٹیں ہی حاصل کرپائے تاہم اس کے بعد شائقین کرکٹ نے حسن علی کا ایک نیا اور منجھا ہواروپ دیکھا، جس نے پاکستان کو متعدد میچز میں کامیابی دلائی ۔

26 جنوری 2021 کو انٹرنیشنل کرکٹ میں کم بیک کرنے والے حسن علی نے 10 مئی 2021 تک مجموعی طور پر11 انٹرنیشنل میچز میں 21.6کے سٹرائیک ریٹ کے ساتھ 40 وکٹیں حاصل کیں۔ اس دوران انہوں نے 23.16 کی اوسط سے 139 رنز بنائے۔ اس سے قبل انہوں نے اپنے انٹرنیشنل کیرئیر میں 92 میچز کھیلے تھے، جہاں وہ33 کے اسٹرائیک ریٹ کے ساتھ 148 وکٹیں لے سکے تھے۔ اس دوران انہوں نے 14.17 کی اوسط سے 496 رنزبھی بنائے تھے۔

انٹرنیشنل کرکٹ میں واپسی کے بعد حسن علی کے بیٹنگ سٹائل میں واضح تبدیلی ان کی ہارڈ ہٹنگ صلاحیت ہے۔ رواں سال وہ اب تک 11 میچز میں 10 چھکے اور 9 چوکے لگا چکے ہیں۔ ماضی پر نظر ڈالی جائے تو 2017 کے 29 میچزمیں ان کے چھکوں اور چوکوں کی تعداد 7، 7 تھی، 2018 کے 36 میچز میں وہ 11 چھکے اور 20 چوکے لگا سکے تھے۔

انجری کے بعد انٹرنیشنل کرکٹ میں واپس آنے والے حسن علی کے لیے 2021 میں سب سے خوش قسمت ترین فارمیٹ ٹی ٹونٹی کرکٹ رہا۔ جہاں انہوں نے 6 میچز میں 10.1کے اسٹرائیک ریٹ کے ساتھ 13 وکٹیں حاصل کرنے کے ساتھ ساتھ 43 کی اوسط سے 43 رنز بنائے۔اس دوران انہوں نے صرف ایک ون ڈے انٹرنیشنل میچ کھیلا، جس میں انہوں نے ایک وکٹ حاصل کرنے کے علاوہ 32 رنز کی عمدہ اننگز کھیل کر پاکستان کو جنوبی افریقہ کے خلاف فتح دلانے میں اہم کردار ادا کیا۔
نمائندہ تابی لیکس سے بات کرتے ہوئے حسن علی کا کہنا ہے کہ کمر کی انجری کے بعد کسی بھی فاسٹ باؤلر کے لیے کم بیک کرنا آسان نہیں ہوتا مگر اس مشکل وقت میں ان کی بیگم اور اہلخانہ نے ان کا بہت ساتھ دیا۔اس دوران شعیب ملک اور سابق کرکٹر شاہد آفریدی نے بھی ان کی بہت حوصلہ افزائی کی۔اگر ہم نیت اور محنت کرلیں تو کچھ بھی ناممکن نہیں رہتا اور میں اس کی تازہ ترین مثال ہوں۔

انہوں نے مزید کہا کہ وہ شروع سےہی بے خوف کرکٹ کھیلتے تھے مگر فرسٹ کلاس کرکٹ میں متاثرکن کارکردگی نے ان کے اعتماد میں اضافہ کیا۔ انٹرنیشنل کرکٹ کھیل سکتا ہوں تو یقیناََ میں کم بیک بھی کرسکتا ہوں۔ انٹرنیشنل کرکٹ میں واپسی پر ان پر دباؤ تھا۔اس دوران 9 فرسٹ کلاس میچز میں شرکت اور پھر عمدہ کارکردگی نے میری بہت حوصلہ افزائی کی۔

حسن علی نے کہاکہ وہ ہمیشہ ایک بہترین آلراؤنڈر بننا چاہتے تھے اور انہیں خوشی ہے کہ ان کی حالیہ فارم ان کی اس خواہش کو تقویت دے رہی ہے۔انہیں بیٹنگ شروع سے ہی پسند تھی اور انجری کےدوران جب موقع ملا تو انہوں نے اپنی بیٹنگ پر خاص توجہ دی۔ اس دوران انہوں نے نیشنل ہائی پرفارمنس سینٹرپر اپنی ہارڈ ہٹنگ صلاحیت پر بہت کام کیا۔

انہوں نے کہا کہ زندگی میں خود اعتمادی بہت ضروری ہے، اچھی گیند پر بھی کوئی بیٹسمین باؤنڈری لگا سکتا ہے مگر اس موقع پر دباؤ کا شکار ہونے کی بجائے اپنی بنیادی باؤلنگ پر واپس آجانا چاہیے تاکہ بلے باز کو مشکلات کا شکار کیا جائے۔

نوجوان کرکٹر کا کہنا ہے کہ انگلینڈ سے ان کی بہت سے ہی یادیں وابستہ ہیں۔ کیرئیر کا آغاز آئرلینڈ سے ہوا اور پھر آئی سی سی چیمپئنز ٹرافی جیتنا انہیں کبھی بھولے گا۔یہاں کی کنڈیشنز وائیٹ بال کرکٹ کے لیے موزوں ہے۔ میزبان ٹیم اس فارمیٹ کی مضبوط ٹیم ہے مگر وہ پرامید ہیں کہ قومی کرکٹ ٹیم اس ٹور پر عمدہ کارکردگی کا مظاہرہ کرے گی۔

اپنی رائے کا اظہار کریں