More share buttons
اپنے دوستوں کے ساتھ اشتراک کریں

پیغام بھیجیں
icon تابی لیکس
Latest news
لاہور میرا گھر ہے یہاں پی ایس ایل کھیلنے کیلیے بہت پرجوش ہوں: عمران طاہر ’آفریدی لیجنڈ ہیں، وہی پی ایس ایل کی ٹرافی بھی اٹھائیں گے‘ بوپارہ پی ایس ایل فائیو کی ٹرافی کی رونمائی، افتتاحی میچ کل کراچی میں ہوگا ایم سی سی بمقابلہ ملتان سلطانز ایم سی سی نے ملتان سلطانز کو 72 رنز سے شکست دے دی دونوں ٹیموں کے درمیان ٹی ٹونٹی میچ ایچسن کالج میں کھیلا گیا ایم سی سی نے پہلے کھیلتے ہوئے مقررہ اوورز میں 4 وکٹوں کے نقصان پر 184 رنز بنائے روی بوپارہ 70 اور کمار سنگارا 52 رنز بنا کر نمایاں علی شفیق نے دو کھلاڑیوں کو پویلین کی راہ دکھائی جواب میں ملتان سلطانز نے 112 رنز بنائے خوشدل شاہ 45 رنز بناکر نمایاں رہے بوپارہ اور سنگاکارا – رنزوں کا فوارہ، ملتان سلطان کو بھی ڈھیر کردیا قومی کرکٹرز / فٹنس ٹیسٹ سنٹرل کنٹریکٹ یافتہ کھلاڑیوں کے فٹنس ٹیسٹ این سی اے میں جاری قومی کرکٹرز کے فٹنس ٹیسٹ مسلسل دو روز تک جاری رہیں گے فٹنس ٹیسٹ میں کھلاڑیوں کے فیٹ اینالسز، اسٹرینتھ، اینڈیورنس، اسپیڈ اینڈیورنس اور کراس فٹ کا جائزہ لیا جارہا ہے فٹنس ٹیسٹ کے ابتدائی مرحلہ میں 10 کھلاڑیوں کے فٹنس ٹیسٹ لیے جارہے وہاب ریاض، شاداب خان اور محمد عامر کے دو روزہ فٹنس ٹیسٹ 20 جنوری سے شروع ہوں گے ٹائیفائیڈ کے باعث عثمان شنواری کا فٹنس ٹیسٹ بھی دوسرے مرحلے میں ہوگا وائرل انفیکشن کے باعث اظہر علی، محمد رضوان اور اسد شفیق کے فٹنس ٹیسٹ بعد میں لیے جائیں گے فخر زمان اور حسن علی کے فٹنس ٹیسٹ میڈیکل پینل کی کلئیرنس کے بعد ہوں گے سپرلیگ ڈرافٹ میں غیر ملکی کھلاڑی کون سی ٹیم منتخب کریگی لاہور: جنوبی افریقی سپرسٹار ڈیل اسٹین بھی ڈرافٹنگ میں شامل لاہور: انگلینڈ کے سٹار اوپنر بلے بازجیسن روئے بھی ڈرافٹنگ میں اہمیت کے حامل لاہور: معین علی، عادل راشد، ہاشم آملا پر بھی فرنچائزز کی نظر لاہور: افغانستان کے سٹار باؤلر راشد خان اور محمد نبی بھی ڈرافٹنگ فہرست میں شامل لاہور: کولن منرو اور انجیلو میتھیوز سمیت کئی نامور کرکٹرز کا انتخاب آج ہوگا کراچی کنگز نوجوان کرکٹرز کی کارکردگی نکھارنے میں ثابت قدم نیشنل اسٹیڈیم کراچی میں کوچنگ کلینک کا انعقاد کراچی کنگز کے پلیٹ فارم سے جڑے باصلاحیت کرکٹرز کی شرکت کراچی کنگز کے ہیڈکوچ ڈین جونز اور صدر وسیم اکرم نے نیٹ سیشن کرایا لیجنڈری فاسٹ بولر وسیم اکرم نے پیسرز کو سوئنگ کے گر سکھائے ڈین جونز نے سکھایا کنڈیشن کے مطابق کیسےبولنگ اور بیٹنگ کی جاتی ہے کرکٹ لیجنڈز سے ملاقات اور ٹپس ملنے سے کھلاڑیوں کا خواب پورا ہوگیا قومی کرکٹرز / فٹنس کیمپ فٹنس کیمپ 18 نومبر سے نیشنل کرکٹ اکیڈمی لاہور میں شروع ہوگا 8 روزہ کیمپ 25 نومبر تک جاری رہے گا کیمپ میں شریک کھلاڑی 17 نومبر کو این سی اے میں رپورٹ کریں گے کیمپ کی نگرانی ڈائریکٹر میڈیسن اینڈ اسپورٹس سائنسز پی سی بی ڈاکٹر سہیل سلیم کریں گے محمد عامر، محمد عرفان اور عماد وسیم کیمپ میں شرکت کریں گے اے سی سی ایمرجنگ ٹیمز ایشیا کپ میں شرکت کی غرض سے بنگلہ دیش میں موجود محمد حسنین اور خوشدل شاہ کیمپ میں شرکت نہیں کررہے شعیب ملک، وہاب ریاض اور آصف علی کو کیمپ میں شرکت سے چھوٹ دی گئی ہے تینوں کھلاڑیوں کو جنوبی افریقہ میں جاری مزانسی ٹی ٹونٹی لیگ کے لیے این او سی جاری کئے گئے ہیں ڈین جونز کی جگہ مصباح الحق اسلام آباد یونائٹیڈ کے ہیڈ کوچ ہوں گے

پی ایس ایل کے لیے ٹیموں کا حتمی اعلان

پی ایس ایل کے لیے ٹیموں کا حتمی اعلان

فرنچائز مالکان کا ایچ بی ایل پاکستان سپر لیگ 2020 میں شامل اسکواڈز پر اظہار خیال

• اسلام آباد یونائیٹڈ نے “دماغ سے” حکمت عملی کے تحت بہترین کھلاڑیوں کا انتخاب کیا، علی نقوی
• متوازی اسکواڈ کا انتخاب کیا، اعزاز کا دفاع کریں گے، ندیم عمر
• کھلاڑیوں کا انتخاب کرنا محمد اکرم کی ذمہ داری ہے اور ہم ان کے فیصلوں پر فخر کرتے ہیں، جاوید آفریدی
• ڈرافٹ کے دوران کراچی کنگز کا فلسفہ، ٹیم کے اہم ترین کھلاڑیوں کو اسکواڈ میں برقرار رکھنا تھا، سلمان اقبال
• حارث رؤف کے بعد لاہور قلندرز اپنا پلیٹ فارم دلبر حسین اور فرزان راجہ جیسے باصلاحیت کھلاڑیوں کو فراہم کررہا ہے، عاطف رانا
• محمد الیاس، روحیل نذیر، علی شفیق اور خوشدل شاہ کی اسکواڈ میں شمولیت پر بہت پرجوش ہوں، عالمگیر ترین

لاہور،11 فروری2020ء:

ایچ بی ایل پاکستان سپر لیگ 2020 کے آغاز میں صرف 9 روز باقی رہ گئے ہیں۔ جوں جوں ایونٹ کے آغاز کا وقت قریب آرہا ہے توں توں لیگ سے جڑے ہر اسٹیک ہولڈر کی خوشی میں اضافہ ہوتا جارہا ہے۔

ایک طرف تو کرکٹ کے مداح سماجی رابطے کی ویب سائٹس پر لیگ میں شامل تمام ٹیموں پر مشتمل اپنی متوقع پلیئنگ الیونز کا اعلان کررہے ہیں تو دوسری طرف فرنچائز مالکان کا بھی اس حوالے سے جوش و خروش دیدنی ہے۔

پہلی مرتبہ لیگ کے مکمل ایڈیشن کا پاکستان میں انعقاد، تمام فرنچائز مالکان کے لیے خوشی کا سبب ہے۔ یہی وجہ ہے کہ انہوں نے دسمبر میں پلیئر ڈرافٹ اور چند روز قبل ریپلیسمنٹ ڈرافٹ کے ذریعے بہترین کھلاڑیوں کا انتخاب کیا ہے۔

اس حوالے سے تمام فرنچائز مالکان کی آراء مندرجہ ذیل ہے:

علی نقوی، مالک اسلام آباد یونائیٹڈ(2 مرتبہ کی چیمپئن):

اسلام آباد یونائیٹڈ کے مالک علی نقوی کا کہنا ہے کہ گذشتہ ایڈیشنز کی طرح ایچ بی ایل پی ایس ایل فائیو میں بھی اسلام آباد یونائیٹڈ کا اسکواڈ متوازی ہے۔انہوں نےکہا کہ ڈرافٹ کے دوران اسلام آباد یونائیٹڈ نے”دماغ سے” حکمت عملی کے تحت فرنچائز کے لیے بہترین کھلاڑیوں کا انتخاب کیا ہے۔

علی نقوی نے کہاکہ اسلام آبادیونائیٹڈ ڈرافٹ کے لیے مقررہ اہداف حاصل کرنے میں کامیاب رہی ہے۔ انہوں نے کہاکہ ڈیل اسٹین جیسے سینئر فاسٹ باؤلر کی موجودگی میں عاکف جاوید اور موسیٰ خان کے لیے ایچ بی ایل پی ایس ایل 2020 بہترین تجربہ ثابت ہوگی۔

انہوں نے مزید کہا کہ لیگ کی ایمرجنگ کٹیگری ہمیشہ ان کی ترجیح رہی ہے اور موجودہ ایڈیشن کے کپتان شاداب خان اس کی واضح مثال ہیں۔ انہوں نے کہاکہ جس طرح ایچ بی ایل پی ایس ایل 2 میں شاداب خان کو ایمرجنگ کٹیگری میں منتخب کیا گیا تھااسی طرح وہ ایڈیشن 2020 کے لیے عاکف جاوید اور احمد صفی عبداللہ کے انتخاب پر بہت پرجوش ہیں۔

اسکواڈ:

شاداب خان(کپتان)، ڈیل اسٹین، کولن انگرام، کولن منرو، فہیم اشرف، آصف علی،رومان رئیس، لیوک رونکی، حسین طلعت، فل سالٹ، ظفر گوہر، عماد بٹ، رضوان حسین، موسیٰ خان، عاکف جاوید، احمد صفی عبداللہ، سیف بدراورڈیوڈ ملان۔

ندیم عمر، کوئٹہ گلیڈی ایٹرز(دفاعی چیمپئن):

کوئٹہ گلیڈی ایٹرز کے مالک ندیم عمر کا کہنا ہے کہ وہ مجموعی طور پر اسکواڈ کے انتخاب پر خوش ہیں۔انہوں نے کہاکہ جیسن رائے اور بین کٹنگ کا گلیڈی ایٹرز فیملی کا حصہ بننا اور فواد احمد کا اسکواڈ میں برقرار رہنا فرنچائز کے لیے مفید ثابت ہوگا۔

ندیم عمر نے کہاکہ آرش علی خان اور اعظم خان جیسے نوجوان کرکٹرز مستقبل میں پاکستان کرکٹ کا اثاثہ ثابت ہوں گے، وہ پرامید ہیں کہ دونوں کھلاڑی ایونٹ میں متاثر کن کارکردگی کا مظاہرہ کریں گے۔

انہوں نے مزید کہا کہ گذشتہ ایڈیشن کی طرح لیگ کے پانچویں ایڈیشن میں کوئٹہ گلیڈی ایٹرز کی ٹیم بہترین کھلاڑیوں پر مشتمل ہے۔ انہیں امید ہےکہ اسکواڈ میں شامل تمام کھلاڑی ایونٹ میں اعزاز کا دفاع کرنے کے لیے سردھڑ کی بازی لگادیں گے۔

اسکواڈ:

سرفراز احمد (کپتان)، جیسن رائے، محمد نواز، بین کٹنگ، شین واٹسن، احمد شہزاد، فواد احمد، عمر اکمل، محمد حسنین، سہیل خان، ٹائمل ملز، عبدالناصر، نسیم شاہ، احسان علی، آرش علی خان، اعظم خان، کیمو پاؤل، خرم منظوراور زاہد محمود۔

جاوید آفریدی، مالک پشاور زلمی(2017 ایڈیشن کی چیمپئن):

پشاورزلمی کے مالک جاوید آفریدی کاکہنا ہےکہ ایچ بی ایل پی ایس ایل فائیو کے لیے ڈرافٹنگ کا عمل ان کی فرنچائز کے لیے بہترین ثابت ہوا۔ جاوید آفریدی نے کہاکہ پشاور زلمی کو بیشتر راؤنڈز میں پہلی پک نہیں ملی مگر وہ منتخب کردہ اسکواڈ پر مطمئن ہیں۔ انہوں نے کہاکہ ڈرافٹ میں کھلاڑیوں کا انتخاب کرنا محمد اکرم کی ذمہ داری ہے اور وہ ہمیشہ اپنی ذمہ داریاں احسن انداز میں نبھاتے ہیں۔جاوید آفریدی نے کہاکہ وہ شدت سے ایونٹ کے آغاز کاانتظار کررہے ہیں۔

جاوید آفریدی نے کہا کہ پشاور زلمی کا اسکواڈ ہمیشہ سے نوجوان اور تجربہ کار کھلاڑیوں پر مشتمل ہوتا ہے۔ انہوں نے کہاکہ حسن علی، ابتسام شیخ اور ثمین گل کا ابتدائی طور پر انتخاب ایمرجنگ کٹیگری میں کیا گیا تھا تاہم ان تینوں کھلاڑیوں کی کارکردگی سب کے سامنے ہے۔ انہوں نے مزید کہا کہ لیگ کے پانچویں ایڈیشن میں حیدر علی، عامر خان اور محمد محسن جیسے نوجوان کھلاڑیوں کی کارکردگی دیکھنے کے لائق ہوگی۔

پشاور زلمی کے مالک کا کہنا ہےکہ وہ اسکواڈ میں شامل زیادہ تر کھلاڑیوں کو برقرار رکھنے پر بہت خوش ہیں۔ انہوں نے کہاکہ لیام ڈاسن اور لیام لیونگ اسٹون کی اسکواڈ میں شمولیت خوش آئند ہے۔ جاوید آفریدی نے کہاکہ وہ ٹام بنٹن کے انتخاب پر بہت پرجوش ہیں، ٹام بنٹن نے حال ہی میں بگ بیش لیگ میں برسبین ہیٹ کی جانب سے شاندار کارکردگی کا مظاہرہ کیاہے۔

اسکواڈ:

وہاب ریاض، حسن علی، کیرون پولارڈ، ٹام بنٹن، شعیب ملک، کامران اکمل، لیام ڈاسن، ڈیرن سیمی، امام الحق، محمد محسن، راحت علی، لوئس گریگری، عادل امین، عمر امین، عامر خان، عامر علی، لیام لیونگ اسٹون، حیدر علی اور کارلوس بریتھ ویٹ۔

سلمان اقبال، مالک کراچی کنگز:

کراچی کنگز کے مالک سلمان اقبال کاکہنا ہےکہ وہ اور فرنچائز کی ساری انتظامیہ ایچ بی ایل پی ایس ایل 2020 کے لیے منتخب کردہ اسکواڈ سے مطمئن ہے۔ انہوں نے کہاکہ لیگ کے پانچویں ایڈیشن کے لیے اسکواڈ کا انتخاب کرتے وقت بنیادی فلسفہ اپنایا گیا اور وہ یہ کہ اہم ترین اراکین کو اسکواڈ میں برقرار رکھا جائے جو فرنچائز کے لیے سودمند ہوگا۔

سلمان اقبال نے کہاکہ وہ بابراعظم، ایلکس ہیلز، شرجیل خان اور کیمرون ڈیلپورٹ کی موجودگی میں بہترین ٹاپ آرڈر کے انتخاب پر بہت مسرور ہیں۔ انہوں نے کہاکہ وہ شرجیل خان کی لیگ میں واپسی پر بہت پرجوش ہیں۔

کراچی کنگز کے مالک نے کہاکہ محمد عامر،کرس جارڈن، علی خان، مچل میکلنگن اورعامر یامین پر مشتمل فاسٹ باؤلنگ اٹیک جبکہ عماد وسیم، عمر خان، اسامہ میر جیسے اسپن باؤلرز کے انتخاب کے باعث وہ ایونٹ میں عمدہ کارکردگی کی امید رکھتے ہیں۔

سلمان اقبال نے کہاکہ وہ مقامی ٹیلنٹ کے بہت بڑے معترف ہیں اور وہ پاکستان کے نوجوانوں کا ٹیلنٹ دنیا بھر کے سامنے پیش کرنے کی کوشش کرتے ہیں، عمر خان اور ارشد اقبال اس کی تازہ مثالیں ہیں۔ کراچی کنگز کے مالک کا کہنا ہے کہ وہ بطور کرکٹ مداح،ایڈیشن فائیو میں عاکف جاوید،روحیل نذیر اور عامر خان جیسے نوجوان کھلاڑیوں کو ایکشن میں دیکھنے کے منتظر ہیں۔

اسکواڈ:

عماد وسیم(کپتان)، ایلکس ہیلز، بابراعظم، محمد عامر، کرس جارڈن، افتخار احمد، شرجیل خان، کیمرون ڈیلپورٹ، مچل میکلنگن، اویس ضیاء، عامر یامین، محمد رضوان، عمید آصف، چیڈوک والٹن، علی خان، اسامہ میر، ارشد اقبال اور عمر خان۔

عاطف رانا، سی ای او لاہور قلندرز:

لاہور قلندرز کے چیف ایگزیکٹو آفیسر عاطف رانا کاکہنا ہےکہ پوری قوم کی طرح لاہور قلندرز بھی ایچ بی ایل پی ایس ایل فائیو کے آغاز کے لیے پرجوش ہے۔انہوں نے کہاکہ لیگ کے پانچویں ایڈیشن کے لیے لاہور قلندرز اپنے من پسند کھلاڑیوں کو ری ٹین اور پک کرنے میں کامیاب رہا ہے۔

عاطف رانا نے کہاکہ اسکواڈ میں باصلاحیت قومی اور بہترین غیرملکی کھلاڑی شامل ہیں۔ انہوں نے کہاکہ لاہور قلندرز ہمیشہ نوجوان کھلاڑیوں کی پذیرائی کے لیے کوشاں رہتی ہے۔ عاطف رانا کاکہنا ہےکہ فاسٹ باؤلر حارث رؤف کی پاکستان کرکٹ ٹیم میں شمولیت کے بعدلاہور قلندرز اب دلبر حسین اور فرزان راجہ کو شاندار کارکردگی کا مظاہرہ کرنے کے لیے ایک بہترین پلیٹ فارم فراہم کررہا ہے۔

اسکواڈ:

سہیل اختر (کپتان)، کرس لین، محمد حفیظ، فخر زمان، ڈیوڈ ویزے، شاہین شاہ آفریدی، عثمان شنواری، سمت پٹیل، حارث رؤف، سیکوگے پرسنا، بین ڈنک، فرزان راجہ، جاہد علی، سلمان بٹ، محمد فیضان، دلبر حسین اور ڈین ولاز۔

عالمگیر ترین، ملتان سلطانز:

ملتان سلطانز کےمشترکہ مالک عالمگیر ترین نے کہاانہیں خوشی ہے کہ تھنک ٹینک کی جانب سے جن کھلاڑیوں کی نشاندہی کی گئی تھی آج وہ سب ملتان سلطانز کے اسکواڈ کا حصہ ہیں۔انہوں نے واضح کیا کہ ایچ بی ایل پی ایس ایل 2020 کے لیے ملتان سلطانز کااسکواڈ معیاری ہے اور وہ ایونٹ میں بہترین نتائج کے لیے پرعزم ہیں۔

عالمگیر ترین کا کہنا ہےکہ وہ ملتان سلطانز میں شامل تمام ایمرجنگ اور نوجوان کھلاڑیوں کے حوالے سے بہت پرجوش ہیں۔ انہوں نے کہاکہ محمد الیاس نے گذشتہ ایڈیشن میں شاندار کارکردگی کا مظاہرہ کیا تھا جبکہ روحیل نذیر کی نمایاں کارکردگی سب کے سامنے ہے، روحیل نذیر نے جس انداز میں پاکستان انڈر 19 اور ایمرجنگ ٹیم کی قیادت کی وہ اس بات کی عکاسی ہےکہ وکٹ کیپر بیٹسمین پاکستان کرکٹ کا اثاثہ ہیں۔

انہوں نے مزید کہا کہ علی شفیق کا شمار بھی باصلاحیت کرکٹرز میں ہوتا ہے۔ ڈیبیو میں اسلام آباد یونائیٹڈ کے خلاف ان کی کارکردگی بہترین رہی۔ عالمگیر ترین نے کہا کہ مڈل آرڈر بیٹسمین خوشدل شاہ کی جارحانہ بیٹنگ ملتان سلطانز کے لیے اہم ثابت ہوگی۔

اسکواڈ:

شان مسعود (کپتان)، شاہد آفریدی، معین علی، رائیلی روسو، محمد عرفان، ذیشان اشرف، روی بوپارہ، سہیل تنویر، جنید خان، جیمز ونس، خوشدل شاہ، عثمان قادر، فابیئن ایلن، علی شفیق، روحیل نذیر، محمد الیاس، عمران طاہر، وائن میڈسن، اور بلاول بھٹی۔

20 فروری سے 22 مارچ تک جاری رہنے والےٹورنامنٹ میں کل34 میچز کھیلے جائیں گے۔ ٹورنامنٹ کا افتتاحی میچ کوئٹہ گلیڈی ایٹرز اور اسلام آباد یونائیٹڈ کے مابین نیشنل اسٹیڈیم کراچی میں کھیلا جائے گا۔

adds

اپنی رائے کا اظہار کریں